ඉතිහාසයේ ප්රථම වතාවට මෙම වසරේ මේ දක්වා කාලය තුළ ශ්රී ලංකා රේගු දෙපාර්තමේන්තුවේ ආදායම රුපියල් ට්රිලියන 01ක් ( බිලියන 1000ක) බව රේගු අධ්යක්ෂ ජනරාල් සරත් නෝනිස් පවසනවා.
ජාත්යන්තර මූල්ය අරමුදල විසින් මෙම වසරේ රේගු ආදායම ලෙස ට්රිලියන 1.5 ඉලක්කයක් නියම කර තිබෙනවා.
මෙම වසරේ මාස 08ක් අවසන් වන විට බිලියන 1000ක (ට්රිලියන 01ක) ආදායම් ඉලක්ක ළගා කර ඇති බැවින් ඉදිරි මාස 04 තුළ වසරේ අපේක්ෂිත ඉලක්කය වෙත ළගා විය හැකි බවයි රේගු අධ්යක්ෂ ජනරාල්වරයා පවසන්නේ.
මීට පෙර ඉතිහාසයේ ඉහළම රේගු ආදායම් වාර්තාව හිමිකරගත්තේ පසුගිය 2023 වර්ෂයේ බවත්, එම වසරේ සමස්ත රේගු ආදායම රුපියල් බිලියන 975ක් බවයි ඔහු වැඩිදුරටත් පැවසුවේ.
සමස්ත රේගු ආදායමින් 25% – 30%ත් අතර අගයක් වාර්තා වන්නේ මෝටර් රථ ආනයනය මත වන අතර, එම අගය මෙම වසරේ දෙකෙහිදීම මෝටර් රථ ආනයනය සීමා කර ඇති හෙයින් 6%ටත් අඩු අගයක පවතින බව ද රේගු අධ්යක්ෂ ජනරාල්වරයා පැවසුවා.
පසුගිය වසර දෙකක කාලය තුළ රේගු දෙපාර්තමේන්තුවේ බොහෝ සාධනීය වෙනස්කම් වෙත ප්රවේශවීමට හැකි වූ බවත්, අලුත් ක්රමවේද හා තාක්ෂණික මෙහෙයුම් ක්රියාවලිය ඔස්සේ සියලු නිලධාරීන්ට ක්රියාත්මකවීමේ පහසුව ගොඩනැංවීමට හැකියාව ලැබී ඇති බවත් පහු සඳහන් කර සිටියා.
