ඇෆ්ගනුන්ගෙන් එංගලන්තයට අදහාගත නොහැකි දැවැන්ත ලකුණු පුවරුවක්

ඇෆ්ගනිස්තාන කණ්ඩායම වෙනුවෙන් එක්දින පිටියේ ඉහළතම ලකුණු සංඛ්‍යාවක් ලැබූ වාර්තාව තමන් සතු කරගන්නට ඊබ්‍රහීම් සද්‍රාන් සමත් වුණා.

ඒ ලාහෝර් හි දී පැවැත්වෙන චැම්පියන්ස් කුසලාන තරගාවලියේ එංගලන්තයට එරෙහිව පැවැත්වෙන තරගය දී පළමු ව පන්දුවට පහරදෙමින්.

ඊබ්‍රහීම් අද (26) දිනයේ දී සිය සයවැනි එක්දින ශතකය ද ලබා ගත්තා.

ඔහු ඇග්නිස්තානයේ බිඳ වැටී තිබූ ලකුණු පුවරුව ශීඝ්‍රයෙන් ඔසවමින් සිය ඉනිම විශිෂ්ටත්වයකට පත් කරගත්තේ පන්දු 146කදී දැවැන්ත ලකුණු 177ක් ලබා ගනිමින්.

සද්‍රාන්ගේ ඉනිමට දැවැන්ත හයේ පහර 06ක් සහ හතරේ පහර 12ක් ඇතුළත් වුණා.

ඊබ්‍රහීම් සද්‍රාන් මීට පෙර සිය වැඩිම ලකුණු ලබා සිටියේ ලකුණු 162ක්.

ඒ ශ්‍රී ලංකාවට එරෙහිවයි.

ඔහුට අනගි සහායක් දෙමින් මොහොමඩ් නබී පන්දු 24කදී වේගවත් ලකුණු 40ක් ලබා ගත්තා.

අෂ්මතුල්ලා ඔමර්සායි ලකුණු 41ක් සහ ෂහිඩි ලකුණු 40ක් රැස් කළා.

ඒ අනුව ඇෆ්ගනුන්ගෙන් එංගලන්තයට ජයග්‍රහණය සඳහා හිමි වූ ඉලක්කය ලකුණු 326ක්.

කඩුලු බිඳ දැමීමේ දී ජොෆ්‍රා ආර්චර් කඩුලු 03ක් සහ ලිවින්ග්ස්ටෝන් කඩුලු 02ක් බිඳ හෙලුවා.

එක් කඩුල්ල බැගින් ජැමී ඕවර්ටන් සහ අඩිල් රෂීඩ් එක් කඩුල්ල බැගින් බිඳ දැමුවා.

මේ වනවිට දෙපිළම මුහුණ දුන් පළමු තරගය පරාජයට පත් ව ඇති අතර අද තරගය ජය ගැනීම දෙපාර්ශ්වයටම තීරණාත්මක වනු ඇති.