නැගීඑන ආසියානු කුසලාන 20-20 ක්රිකට් තරගාවලියේ දෙවන අවසන් පූර්ව තරගය ඕමානයේ දී මේ වනවිට ක්රියාත්මකයි.
ඉන්දියාව සහ ඇෆ්ගනිස්ථානය අතර පැවැත්වෙන මෙම තරගයේ පළමුව පන්දුවට පහර දුන් ඇෆ්ගනිස්ථාන A කණ්ඩායම නියමිත පන්දුවාර 20 තුළ කඩුලු 04ක් දැවී ලකුණු 206ක දැවැන්ත ලකුණු පුවරුවක් නිර්මාණය කළා.
මෙවර තරගාවලියේ දී කණ්ඩයමක් රැස්කළ ඉහළම ලකුණු සංඛ්යාව මෙය වීමද විශේෂත්වයක්.
ඇෆ්ගනිස්ථාන ඉනිම වෙනුවෙන් සාර්ථක ආරම්භයක් ලබාදීමට සුබයිඩ් අක්බාරි සහ සේදිකුල්ලා අටල්ට හැකියාව ලැබුණු අතර, එහිදී සුබයිඩ් අක්බාරි ලකුණු 64ක් සහ සේදිකුල්ලා අටල් ලකුණු 83ක් රැස් කිරීමට සමත් වුණා.
කරීම් ජනට් රැස්කළ ලකුණු සංඛ්යාව 41ක්.
පන්දු යැවීමේ දී රසික් සලාම් ඇෆ්ගනිස්ථාන ඉනිමේ කඩුලු 03ක් බිඳ දැමීමට සමත් වුණා.
ඒ, අනුව මෙම තරගය ජය ගැනීමට ඉන්දීය A කණ්ඩායමට පන්දු 120ක් තුළ ලකුණු 207ක දැවැන්ත ඉලක්කයක් හිමිව තිබෙනවා.
