පන්දුවාර 20 ක්‍රිකට් ලෝක කුසලාන තරගයේ අද (14) පැවති තරගය කඩුලු 07කින් ජය ගන්නට ඇෆ්ගනිස්තාන කණ්ඩායම සමත් වුණා.
තරගයේ Tarouba ක්‍රීඩාංගණයේ දී පැවැත්වුණු අතර, කාසියේ වාසිය හිමි වූයේ ඇෆ්ගනිස්තානයට යි.
ඒ අනුව ඇෆ්ගනිස්තාන කණ්ඩායම පළමු ව පන්දු රැකීමට තීරණය කළා.
පන්දුවාර 19 එක් පන්දුවක් ඉතිරිව තිබියදී පැපුවා නිව්ගිනියා කණ්ඩායම සියල්ලන් ම දැවී ලකුණු 95ක් ලබා ගත්තා.
ඒ අනුව තරගය ජයග්‍රහණය කිරීමට ඇෆ්ගනිස්තාන කණ්ඩායමට හිමි වූ ඉලක්කය ලකුණු 96ක පහසු ඉලක්කයක්.
එම ලකුණු සීමාව කඩුලු 03ක් පමණක් දැවී තිබියදී සපුරා ගන්නටයි ඇෆ්ගන්වරුන් සමත් වූයේ.
Gulbadin Naib ලකුණු 49ක් රැස් කළා.
ඇෆ්ගනිස්තානය වෙනුවෙන් කඩුලු බිඳ දැමීමේ දී Fazalhaq Farooqi කඩුලු 03ක් ද, Naveen-ul-Haq කඩුලු 02ක් ද Noor Ahmad එක් කඩුල්ලක් ද බිඳ දැමුවා.
තරගයේ වීරයා සම්මානය ලකුණු 16කට කඩුලු 03ක් බිඳ දැමූ Fazalhaq Farooqi ට හිමි වුණා.
ඒ අනුව C කාණ්ඩයෙන් පැවති තරග 03 ම ජයගත් ඇෆ්ගනිස්තානය බටහිර ඉන්දීය කොදෙව්වන් සමග මෙවර ලෝක කුසලානයේ සුපිරි 08 අතරට පිවිසීමට සමත් වුණා.
ඒ ප්‍රසාද ලකුණු සටහනෙන් ද මුදුනා බවට පත්වෙමින්.
