මොරගහකන්ද ජලාශයට ආසන්නව ගිරිතලේ – ඇළහැර අභයභූමියේ සැරිසරමින් සිටි අවුරුදු හයක් පමණ වයසැති ඇත් පැටවෙක්ට වෙඩි තබා තිබෙනවා.
ඊයේ (03) සවස මෙම වෙඩි තැබීම සිදුව ඇති අතර අලි පැටවාගේ හිසට වෙඩි අටක් පමණ තබා ඝාතනය කර ඇති බවයි ඇළහැර වනජීවී කාර්යාලය සඳහන් කරන්නේ.
මොරගහකන්ද – කළුඟග මාර්ගයේ ජලාශයට කිලෝමීටර් දෙකක් පමණ ආසන්නයේ මාර්ගයක් අසල මියගොස් සිටිය දී මෙම අලි පැටවා හමු වූ බවයි ඇළහැර අඩවි ආරක්ෂක සුනිල් ශාන්ත මහතා සඳහන් කළේ.
මෙලෙස මියගොස් ඇත්තේ වයස අවුරුදු 08ක් පමණ වයස ඇති අලි පැටවෙක්.
මේ පිළිබඳ මරණ පරීක්ෂණ කටයුතු වනජීවී දෙපාර්තමේන්තුවේ ගිරිතලේ වනජීවී පශු වෛද්යය සමීර කලිඟුආරච්චි මහතා ඇතුළු වනජීවී නිලධාරි කණ්ඩායමක් විසින් අද (04) පෙරවරුවේ සිදු කිරීමට නියමිතයි.
