සංචාරකයින්ට අධික මිලකට දුම්රිය ප්රවේශ පත්ර ඔන්ලයින් ක්රමයට විකිණීමේ ජාවාරමක යෙදුන සැකකරුවෙකු මහනුවර කොට්ඨාස අපරාධ විමර්ශන කාර්යංශයේ නිලධාරීන් අත්අඩංගුවට ගැනුණා.
ඊයේ (22) සවස් මහනුවර – සුදුහුම්පොල ප්රදේශයේ දීයි මෙම සැකකරු අත්අඩංගුවට ගත්තේ.
37 හැවිරිදි සැකකරු මහනුවර ප්රදේශයේ ම පදිංචිකරුවෙක් වන අතර ඔහු සතුව තිබී ඔඩිසි දුම්රිය සඳහා ඔන්ලයින් ක්රමයට ලබා ගන්නා ලද දුම්රිය ටිකට්පත් 21ක්, එම දුම්රිය ටිකට්පත් අලෙවි කිරීමේ ජාවාරමෙන් උපයාගත් බවට සැකකරන මුදල් රුපියල් 130,670ක මුදලක්, මීට පෙර දුම්රිය ටිකටිපත් විකිණීමේ තොරතුරු සටහන් කර ගන්නා ලද සටහන් පත් 130ක් හා ජංගම දුරකථනයක් පොලිස් භාරයට ගැනුණා.
සැකකරු වැඩිදුර විමර්ශන සඳහා අපරාධ පරීක්ෂණ දෙපාර්තමේන්තුව වෙත භාර දී තිබෙනවා.
