ඇල්පිටිය ප්රාදේශීය සභා මැතිවරණයේ ඡන්ද විමසීම අද (26) පස්වරු 4.00ට අවසන් වුණා.
මෙම ඡන්ද විමසීම අද පෙරවරු 7.00ට ආරම්භ වූ අතර, ඇල්පිටිය ප්රාදේශීය සභා බල ප්රදේශය තුළ පිහිටි ඡන්ද මධ්යස්ථාන 48ක දී ඡන්ද විමසීම ක්රියාත්මක වුණා.
මෙම ඡන්ද විමසීම සඳහා ඡන්දදායකයින් 55,643ක් සුදුසුකම් ලබා සිටි අතර, කොට්ඨාස 07ක් සඳහා සභිකයින් 28 දෙනෙකු තෝරා පත්කර ගැනීම මෙහිදී සිදු කෙරෙනවා.
මේ අතර අද (26) පස්වරු 4.00 වනවිට මෙම මැතිවරණයේ ඡන්දය ප්රකාශ කිරීම ප්රතිශතය 63%ක් බවයි ගාල්ල දිස්ත්රික් තේරීම් භාර නිලධාරී ඩබ්ලිව්.ඒ. ධර්මසිරි සඳහන් කළේ.
මේ අතර මැතිවරණයට අදාළව ඡන්ද මධ්යස්ථානයේදීම ඡන්ද ගණන් කිරීමේ කටයුතු ද සිදුකෙරෙන බව මැතිවරණ කොමිසමේ සභාපති ආර්.එම්.ඒ.එල්. රත්නායක සඳහන් කළා.
එම ගණන් කිරීමෙන් පසු ගාල්ල තේරීම් භාර නිලධාරියාට එම ප්රතිඵල ලබාදෙන බවත්, ඉන් පසු තේරී පත්වන සභිකයින් සංඛ්යාව සහ එක් එක් දේශපාලක පක්ෂ ලබාගත් ඡන්ද සංඛ්යාව නිවේදනය කිරීමට නියම්නිත බවයි ඔහු පැවසුවේ.
එමෙන්ම අද මධ්යම රාත්රියට පෙර ඇල්පිටිය ප්රාදේශීය සභා ඡන්ද විමසීමේ අවසන් ප්රතිඵලය නිකුත් කිරීමට බලාපොරොත්තුවන බව ද සභාපතිවරයා සඳහන් කර සිටියා.
