ඇමෙරිකානු තෙල් ප්‍රවාහන පද්ධතියේ තාක්ෂණික අංශයට එල්ල වූ හැකර් ප්‍රහාරයන් පසුව එය මුදවා ගැනීමට ඩොලර් මිලියන 5ක පමණ මුදලක් ගෙවා ඇති බවට විදෙස් මාධ්‍ය සඳහන් කරයි.
මෙම හැකර් ප්‍රහාරයන් පසුව එම තෙල් ප්‍රවාහන පද්ධතිය දැවැන්ත අයුරින් අඩපණ වී තිබුණු අතර එය නිදහස් කිරීමට හැකර් ප්‍රහාරය දියත් කළ පිරිස මුදල් ඉල්ලා තිබේ.
බ්ලූම්බර්ග් වෙබ් අඩවිය පෙන්වා දෙන්නේ මෙම මස මුලදී එල්ල වූ මෙම ප්‍රහාරයන්වලින් පද්ධතිය ගලවා ගැනීම සඳහා හැකර්වරුන් වෙත අන්තර්ජාල මුදල් ඒකකයක් වන ඩොලර් මිලියන 05ක් වටිනා ක්‍රිප්ටෝකරන්සි (cryptocurrency) ගෙවා ඇති බව සඳහන් වෙයි. මෙලෙස හැකර්වරුන් ඩොලර් මිලියන 04ක හෝ 05ක අන්තර්ජාල මුදල් ගෙවූ බවට නිව් යෝර්ක් ටයිම්ස්, සීඑන්බීසී සහ ෆොක්ස් නිව්ස් යන මාධ්‍ය ජාලයන් විසින්ද තහවුරු කර තිබුණි.
මාධ්‍යවේදීන් මෙම සිදුවීම සම්බන්ධයෙන් ඇමෙරිකානු ජනාධිපති ජෝ බයිඩන්ගෙන් විමසීමක් කර තිබුණත් ඔහු එයට පිළිතුරු ලබාදීම ප්‍රතික්ෂේප කර තිබේ.
මෙම සිදුවීම සම්බන්ධයෙන් දේශපාලන විචාරකයන් පෙන්වා දෙන්නේ හැකර්වරුන් හට මෙවැනි ආකාරයට මුදල් ගෙවීම තුළින් ඔවුන් තවත් එවැනි ප්‍රහාරයන් දියත් කළ හැකි බවයි.
මෙම තෙල් ප්‍රවාහන පද්ධතිය හැකර් ප්‍රහාරයෙන් පසුව ක්‍රියාත්මක කර ඇති අතර එහි ඇතිව තිබෙන දෝෂ නිවැරැදි කර පුර්ණ වශයෙන් ක්‍රියාත්මක කිරීමට දින කිහිපයක් ගත වනු ඇති බවද සඳහන් වෙයි. මෙය අක්‍රියව පැවැති සමයේ ඇමෙරිකාවේ බොහෝ ප්‍රදේශයන්හී තෙල් හිඟයක් ඇතිව තිබූ අතර බොහෝ දෙනෙකු තෙල් ලබා ගැනීම සඳහා රැස්ව සිටි බවත් සඳහන්
