ඇමරිකා එක්සත් ජනපද-ඉරාන සාකච්ඡා ධනාත්මක සහ ඵලදායි බව පකිස්ථානය සහ කටාර් රාජ්ය පවසනවා.
ස්විට්සර්ලන්තයේ පැවැත්වෙන ඇමරිකා එක්සත් ජනපද සහ ඉරාන තාක්ෂණික සාකච්ඡා පිළිබඳව මැදිහත්කරුවන් වන පකිස්ථානය සහ කටාරය ඒකාබද්ධ ප්රකාශයක් නිකුත් කරමින් මේ බව පවසා තිබෙනවා.
පකිස්ථානය සහ කටාරය අදාළ ඒකාබද්ධ ප්රකාශය මගින් දක්වා ඇත්තේ, සාකච්ඡා “ධනාත්මක සහ ඵලදායි වාතාවරණයක්” තුළ පැවැත් වූ බවයි.
“තවදුරටත් තාක්ෂණික සාකච්ඡා සඳහා යාන්ත්රණයක් නිර්මාණය කිරීම ඇතුළුව දිරිගන්වන ප්රගතියක් ලබා ඇත,” යනුවෙන් එම ප්රකාශයේ වැඩිදුරටත් සඳහන්.
මේ අතර හෝර්මුස් සමුද්ර සන්ධිය හරහා ගමනාගමනය සඳහා යාන්ත්රණයක් සකස් කර ඇති බව ඉරානය පවසනවා.
හෝර්මුස් සමුද්ර සන්ධිය හරහා නැව් ආරක්ෂිතව ගමන් කිරීම පිළිබඳව සාකච්ඡා පැවැත්වූ බවත්, ඒ වෙනුවෙන් යාන්ත්රණයක් සකස් කර ඇති බවයි ඉඉරානයේ විදේශ අමාත්යාංශයේ ප්රකාශක එස්මයිල් බගයි පවසන්නේ.
එමෙන්ම ඉරාන වත්කම් නිදහස් කිරීම, තෙල් සම්බාධකවලින් සහන ලබාගැනීම සම්බන්ධයෙන් යහපත් ප්රගතියක් එක්සත් ජනපදය සමඟ සාකච්ඡාකළ පළමු දිනයේ ලබා ඇති බවයි ඉරානය සඳහන් කරන්නේ.
