ඇමරිකා එක්සත් ජනපදය විසින් ශ්‍රී ලංකා ගුවන් හමුදාවට පරිත්‍යාග කරන ලද බීච්ක්‍රාෆ්ට් කිංග්ස් එයාර් 360ER ගුවන් යානය එළඹෙන සතියේ ශ්‍රී ලංකාවට පැමිණිමට නියමිත බව වාර්තා වනවා.
මෙම ගුවන් යානය 2022 වසර අග භාගයේ දී නිමකර ඇති අතර, රේඩාර් සහ කැමරා වැනි සමුද්‍ර ආවේක්ෂණ සංවේදනයක් ඇතුළුව අතිරේක වැඩිදියුණු කිරීම් ද ඇතුළත් කර 2024 මැද භාගයේදී සම්පූර්ණයෙන් වැඩ අවසන් කර තිබෙනවා.
ඩොලර් මිලියන 19ක් වටිනා මෙම ප්‍රදානයට ගුවන් යානා සහ ආධාරක සේවාවන් ද ඇතුළත්.
මෙම ගුවන් යානය ශ්‍රී ලංකාවේ මුහුදු සීමාවේ මුර සංචාරයේ යෙදීමට සහ සමුද්‍රීය තර්ජනවලට මුහුණ දීමට ශ්‍රී ලංකාවට ඇති හැකියාව ඉහළ නැංවීම සඳහා අති නවීන තාක්ෂණයෙන් යුක්ත වනවා.
ගුවන් යානය මෙරටට පැමිණීමෙන් පසු රත්මලාන ගුවන් හමුදා කඳවුරේ දී වැඩිදුර පුහුණුවීම් සහ ඒකාබද්ධ කිරීම් කටයුතු සඳහා යොදා ගැනීමෙන් පසු ත්‍රිකුණාමලය චීන වරායේ පිහිටි සමුද්‍ර සංචාර 03 වැනි බලඝණයට සම්බන්ධ කරනු ඇති.
