ඇමරිකානු රාජ්ය ලේකම් ඇන්තනි බ්ලින්කන්, පලස්තීන ජනාධිපති මොහොමඩ් අබ්බාස් හමු වී තිබෙනවා.
පෙර දැනුම්දීමකින් තොරව මෙම හමුව සිදුව ඇත්තේ පලස්තීනයට අයත් බටහිර ඉවුරේ රාමල්ලා නුවර දී බවයි විදෙස් මාධ්ය වාර්තා කළේ.
බ්ලින්කන්, සන්නද්ධ රථ පෙළපාලියකින් දැඩි ආරක්ෂාව යටතේ රාමල්ලා වෙත පැමිණ තිබූ බවයි විදෙස් මාධ්ය වැඩිදුරටත් තොරතුරු වාර්තාකර තිබුණේ.
මෙම හමුවේ දී පලස්තීන ජනාධිපතිවරයා එහිදී ඉල්ලීම් කර ඇත්තේ ගාසා තීරයේ පලස්තීන වැසියන් ආරක්ෂා කිරීම සඳහා සටන් විරාමයකට යා යුතු බවයි.
එහිදී ඇමරිකානු රාජ්ය ලේකම් ඇන්තනි බ්ලින්කන් පවසා ඇත්තේ ඊශ්රායලය මේ මොහොතේ සටන් විරාමයකට නොයනු ඇති බවත්, එලෙස සටන් විරාමයකට ගියහොත් එය හමාස් සටන්කාමීන්ට හිස නැමීමක් බවයි.
හමාස් සටන්කාමීන් අඩපණ වී සිටින මේ මොහොතේ සටන් විරාමයකට ගියහොත් සටන්කාමීන් යළි ශක්තිමත් වනු ඇති බව අවධාරණය කර ඇති රාජ්ය ලේකම්වරයා ඔවුන් යළිත් වරක් ඊශ්රායලයට ප්රහාර එල්ල කරනු ඇති බවයි සඳහන් කර ඇත්තේ.
මානුෂීය හේතූන් සැළකිල්ලට ගනිමින් ගාසා හි පලස්තීන වැසියන්ගේ ජීවිත ආරක්ෂාකර ගැනීම කළ යුතු බව ද ඔහු පලස්තීන ජනාපධිති හමුවේ පවසා තිබෙනවා.
