ඇමරිකානු ඩොලරය හමුවේ දේශිය මුදල් ඒකක අවප්‍රමාණයවීම අතින් ශ්‍රී ලංකා රුපියල තෙවන ස්ථානයට පත්ව ඇති බව නවතම වාර්තාවකින් අනාවරණය වී තිබෙනවා.
ජෝන් හොප්කින්ස් සරසවියේ ආර්ථික විද්‍යාඥයෙකු වන මහාචාර්ය ස්ටීව් හැන්කේ විසින් නිකුත් කරන ලද නවතම වාර්තාවක මේ බව සඳහන්.
ඇමරිකානු ඩොලරය හමුවේ දේශිය මුදල් ඒකක අවප්‍රමාණයවීම අතින් පළමු තැන හිමි වන්නේ සිම්බාබ්වේ ඩොලරයයි.
කියුබාවේ මුදල් එක්කය වන කියුබානු පෙසෝ ඇමරිකානු ඩොලරය හමුවේ දෙවනුවට අවප්‍රමාණය වී ඇති දේශිය මුදල් ඒකකය බවට පත්ව තිබෙනවා.
එම වාර්තාවට අනුව ශ්‍රී ලංකා රුපියල 47.79%කින්, සිම්බාබ්වේ මුදලේ අගය 73.33%කින් සහ කියුබානු මුදල් ඒකකය 57.65%කින් අවප්‍රමාණය වී ඇති බව සඳහන්.
