ඇමරිකානු ජනාධිපති ඩොනල්ඩ් ට්රම්ප් වෙනුවෙන් නිපදවන ලද, ලොව මෙතෙක් බිහිවූ සුඛෝපභෝගී මෙන්ම ආරක්ෂිතම නවතම ‘Air Force One’ යානය අධිකාරියට පත් කිරීම ඊයේ (19) ඇන්ඩෲස් ඒකාබද්ධ හමුදා කඳවුරේ දී සිදු කෙරුණා.
ඒ, ජනාධිපති ඩොනල්ඩ් ට්රම්ප්ගේ ප්රධානත්වයෙන්.
2025 වසරේ දී කටාර් රාජ්යය විසින් ඇමරිකානු ජනාධිපතිවරයා වෙත ත්යාගයක් ලෙස ලබා දුන් ‘Boeing 747-8’ වර්ගයේ මෙම සුපිරි ජම්බෝ ජෙට් යානය මාස කිහිපය සිට ඇමරිකානු හමුදාව විසින් දැවැන්ත නවීකරණයකට ලක් කිරීමෙන් අනතුරුව, මෙලෙස ඇමරිකානු ජනාධිපතිවරයාගේ නිල ගුවන් යානය බවට පත් කර තිබෙනවා.
ඇමරිකානු ඩොලර් මිලියන 400ක් පමණ වටිනා මෙම ගුවන් යානයේ පිටත පෙනුම රතු, සුදු, නිල් සහ රන්වන් පැහැයෙන් හැඩගැන්වීමට ට්රම්ප් උපදෙස් දී ඇති බවයි වාර්තා වුණේ.
මීට පෙර 1990 සිට ඇමරිකානු ජනාධිපතිවරුන් පාවිච්චි කළ ‘Air Force One’ යානය මේ වන විට සේවයෙන් ඉවත් කර ඇති අතර, ධවල මන්දිර සන්නිවේදන අධ්යක්ෂ ස්ටීවන් චියුන්ග් එක්ස් ගිණුමේ සටහනක් තබමින් එම පැරණි යානයට ‘අවසාන ගමන’ ලෙස සමුදී තිබුණා.
