අධිකරණ අමාත්ය නීතිඥ ගරු හර්ෂණ නානායක්කාරගේ නම ඉදිරියේ සඳහන්ව තිබූ ආචාර්ය නාමය පාර්ලිමේන්තු වෙබ් අඩවියෙන් ඉවත් කිරීම සම්බන්ධයෙන් පාර්ලිමේන්තු මහ ලේකම් කාර්යාලය විශේෂ නිවේදනයක් නිකුත්කර තිබෙනවා.
පාර්ලිමේන්තු වෙබ් අඩවියේ මන්ත්රීවරයන්ගේ නාමාවලිය තුළ අමාත්ය නීතිඥ ගරු හර්ෂණ නානායක්කාරගේ නම ඉදිරියේ ආචාර්ය යනුවෙන් සඳහන්වීම අදාළ තොරතුරු ඇතුළත් කිරීමේ දී අතපසුවීමකින් සිදුවූවක් බවයි අදාල නිවේදනය මඟින් සඳහන් කරන්නේ.
එමෙන්ම අමාත්යවරයා විසින් පාර්ලිමේන්තුව වෙත ලබාදෙන ලද සිය තොරතුරු පත්රිකාවේ ආචාර්ය නාමයක් ඇතුළත්ව නොතිබූ බව ද පාර්ලිමේන්තු මහ ලේකම් කාර්යාලය නිකුත් කළ නිවෙදනය ම,මඟින් දන්වා සිටිනවා.
ඒ, අනුව,එම අතපසුවීම නිවැරදි කිරීමට දැනට කටයුතු කර ඇති බව ද එහි සඳහන්.
මේ සම්බන්ධයෙන් අධිකරණ සහ ජාතික ඒ්කාබද්ධත අමාත්ය නීතිඥ ගරු හර්ෂණ නානායක්කාරට සිදුවූ අපහසුතාවය පිළිබඳව බලවත් කණගාටුව පලකරන බවත්, පාර්ලිමේන්තු වෙබ් අඩවියේ සියළුම මන්ත්රීවරයන්ගේ තොරතුරු නැවත පරීක්ෂා කොට යාවත්කාලීන කිරීමේ කටයුතු මෙි වන විට සිදුකරමින් පවතින බව ද එම නිවේදනය මඟින් වැඩිදුරටත් දක්වා තිබෙනවා.
