ශ්‍රී ලංකාවේ ඉල්ලීම ධනාත්මකව සලකා බැලීම සම්බන්ධයෙන් පාකිස්ථාන අග්‍රාමාත්‍ය ෂබාස් ෂරීෆ්ට සහ පාකිස්ථාන රජයට සිය ස්තූතිය පිරිනමන බව විදේශ කටයුතු අමාත්‍ය විජිත හේරත් පවසනවා.
පන්දුවාර විස්සයි විස්ස ලෝක කුසලාන තරගාවලියේ දී ඉන්දීය කණ්ඩායම සමඟ තරග වැදීමට පාකිස්ථාන ක්‍රිකට් කණ්ඩායමට අවසර ලබාදීම සම්බන්ධයෙන් මෙලෙස විදේශ කටයුතු අමාත්‍යවරයා සිය ස්තූතිය පිරිනමා තිබෙනවා.
සිය නිල ‘එක්ස්’ ගිණුමේ සටහනක් තබමින් විජිත හේරත් අමාත්‍යවරයා මේ බව පවසනවා.
ක්‍රීඩාශීලීත්වය සහ මිත්‍රත්වය ද්විපාර්ශ්වික සබඳතාවල ශක්තිය පිළිබිඹු කරන අංගයක් බවයි අමාත්‍යවරයා එහි වැඩිදුරටත් සඳහන් කර ඇත්තේ.
මේ අතර ඉන්දියාව සහ පාකිස්ථානය අතර මෙම ක්‍රිකට් තරගය සැළකෙන්න ලොව මිල අධිකම ක්‍රිකට් තරගය ලෙසටයි.
විදෙස් වාර්තා සඳහන් කරන ආකාරයට එම මෙවර ලෝක කුසලාන තරගාවලියේ ඉන්දියාව සහ පාකිස්ථානය අතර තරගයේ වටිනාකම ඉන්දීය රුපියල් කෝටි 4,000 කට වඩා වැඩියි.
