අල්ලස් කොමිසම විසින් අමාත්ය කෙහෙළිය රඹුක්වැල්ල සහ රාජ්ය මුද්රණ නීතිගත සංස්ථාවේ හිටපු සභාපති ජයම්පති බණ්ඩාර හීන්කෙන්ද යන අයට එරෙහිව ගොනුකර තිබෙන නඩුවක් පවත්වාගෙන යාමට නොහැකි බවට මතුකර තිබෙන මූලික විරෝධතාව පිළිබඳ තීන්දුව පෙබරවාරි මස 16 වනදා ප්රකාශයට පත් කරන බව කොළඹ මහාධිකරණය අද (31) දින නියෝග කළා.
මෙම නඩුව අද කොළඹ මහාධිකරණ විනිසුරු දමිත් තොටවත්ත මහතා ඉදිරියේ කැඳවනු ලැබුවා.
එහිදී විත්තිය වෙනුවෙන් පෙනී සිටි නීතිඥවරු මූලික විරෝධතා මතුකරමින් මෙම නඩුව නීතිය ඉදිරියේ පවරා පවත්වාගෙන යාමට නොහැකි බවත් එය නිෂ්ප්රභ කරන ලෙසත් දන්වමින් මූලික විරෝධතා මතු කළා.
එම මූලික විරෝධතා පිළිබඳව කරුණු සලකා බැලූ අධිකරණය එහි නියෝගය පෙබරවාරි මස 16 වනදා ප්රකාශයට පත්කරන බව නියෝග කළා.
කෙහෙළිය රබුක්වැල්ල මහතා ජනමාධ්ය අමාත්යවරයා වශයෙන් කටයුතු කළ සමයේ 2012 වසරේ මාර්තු මස 15 වනදා සහ ඒ වසරේ අප්රේල් මස 15 වනදා අතර කාල සීමාව තුළ ඔහුගේ පෞද්ගලික ජංගම දුරකථනයට අදාළ වන රුපියල් දෙලක්ෂ තිස්දාහක මුදලක් රාජ්ය මුද්රණ නීතිගත සංස්ථාවේ අරමුදල් වලින් ගෙවීම තුළින් රජයට පාඩුවක් සිදු කළේ යැයි චෝදනා කොට අල්ලස් කොමිසම විසින් මෙම නඩුව ගොනුකර තිබෙනවා.
