මඩකලපුව පොලිස් වසමේ අංක 05, බ්‍රවුන්රි පාර ප්‍රදේශයේ සිදුකළ වැටලීමක දී ඇත් දළ යුගලයක් සන්තකයේ තබාගෙන සිටි පුද්ගලයෙකු පොලිස් විශේෂ කාර්ය බලකාය විසින් ඊයේ (23) පස්වරුවේ අත්අඩංගුවට ගෙන තිබෙනවා.
අත්අඩංගුවට ගැනුණු සැකකරු 42 හැවිරිදි වියේ පසුවන අයෙක් බවයි විශේෂ කාර්ය බලකාය සඳහන් කළේ.
රක්ෂිතයන් ආශ්‍රිතව දළ ඇතුන් මරා ඇත් දළ සහ ගජමුතු ජාවාරමේ යෙදෙන ජාවාරම්කරුවන් නීතියේ රැහැනට හසුකර ගැනීමේ මෙහෙයුම් විශේෂ කාර්ය බලකායේ නිලධාරීන් විසින් මේ දිනවල බහුලව සිදුකරනු ලබනවා.
