පාකිස්තානයේ ඇඟළුම් කම්හලක සාමාන්යධිකාරී ලෙස සේවය කරමින් සිටි ශ්රී ලාංකිකයෙකු සමග උරණවූ එම කම්හලේ සේවක පිරිසක් ඔහුට ඉතා අමානුෂික ලෙස වදහිංසා පමුණුවා මරාදමා ප්රසිද්ධියේ සිරුර පුළුස්සාලීමේ පුවතක් විදෙස් මාධ්ය වාර්තා කර තිබේ. මෙම සිදුවීම එරට අග්රාමාත්ය ඉම්රාන් ඛාන්ගේ පවා අවධානයට යොමුව ඇති අතර ඔහු එය හෙළා දැක ඒ ගැන වහාම පරීක්ෂණ සිදුකරන්නට නියෝග කර තිබේ. මෙම සිදුවීම රටට ලජ්ජාවක් බවද අගමැතිවරයා දන්වා ඇත. මෙම අවාසනාවන්ත ඝාතනයට ලක්වූයේ පන්ජාබ් ප්රාන්තයේ සියල්කොට්හි රාජ්කෝ ඉන්ඩස්ට්රීස් නමැති කම්හලේ සාමාන්යධිකාරී ලෙස සේවය කළ ශ්රී ලාංකික ප්රියන්ත දියවඩන මහතාය. ක්රීඩා ඇඳුම් නිපදවන මෙම ඇඟළුම් කම්හලේ සාමාන්යධිකාරී ලෙස මීට වසර 7 කට පමණ පෙර පාකිස්තානයට ගොස් තිබුණ ප්රියන්තට එහි සේවකයින් හැසිරවීම හා තීරණ ගැනීමේ බලය පැවරී තිබූ බව පැවසේ.
මෙම ඝාතන සංසිද්ධියට මුල්ව ඇත්තේ සේවකයින්ගේ ඉස්ලාම් ආගමට ඔහු අපහාස කළේය යන චෝදනාවකි. සිද්ධිය වූ දිනයේ සේවකයින් විසින් ආගමික පාඨ සඳහන් කර කම්හලේ අළවා තිබුණ ස්ටිකර වගයක් දැක ඊට විරෝධය පළ කරමින් ප්රියන්ත මහතා ඉරා දමන ලද බවත් ප්රියන්ත දියවඩන කුරානයේ වදන් සහිත පෝස්ටරයක් ගලවා ඇති බවට කටකතා පැතිරීමත් සමඟ උදෑසන වන විට කම්හලේ ගේට්ටු අසලට සෙනඟක් එක්රැස් වීමට පටන් ගත් බවත් සවස් වන විට ඔවුන් කර්මාන්ත ශාලාවට ඇතුළු වී ප්රියන්තව අල්ලා ගත් බවත් කියැවේ. එම අවස්ථාවේ සේවක පිරිස වටවී ඔහුට පහරදුන් බවත් පැවසේ. නැගෙනහිර සියල්කොට් නගරයේ පොලිස් නිලධාරියෙක් පැවසුවේ ඉස්ලාමීය ශුද්ධ වාක්ය සහිත පෝස්ටරයක් ඉරා දැමීම සම්බන්ධයෙන් ප්රහාරකයන් කුපිතවූ බවයි. සමාජ මාධ්ය හරහා බෙදා හරින ලද බිහිසුණු වීඩියෝවල දැක්වෙන්නේ, ප්රියන්තව බිමට හෙළන අයුරුය, එහිදී සිය ගණනක් ඔහුගේ ඇඳුම් ඉරා දැමීමටත්, ඔහුට දරුණු ලෙස පහර දීමටත් පටන් ගත්හ. ඔහුට වධ හිංසා පමුණුවා, පසුව ඔහුගේ සිරුර පුළුස්සා දමන ලදී. සමූහයා ඔහුගේ මළ සිරුර සමඟ සෙල්ෆි ගන්නා ආකාරය ද දැක ගත හැකිය. බිහිසුණු ප්රහාරයකින් අනතුරුව ශ්රී ලාංකික සාමාන්යධිකාරීවරයා පණපිටින් පුළුස්සා දැමීමට පිරිස ක්රියා කළහ.
ප්රහාරකයින් මෙම සංසිද්ධිය වීඩියෝගත කර පාකිස්තානු සමාජ මාධ්ය වෙත මුදාහැර ඇති බවද වාර්තා විය. ඔහුගේ මරණය වරදක් නොවන ආකාරයට හඟවමින් පිරිස හැසිරී තිබුණි. ඉස්ලාමයේ නබිතුමාට අපහාස කිරීම සම්බන්ධයෙන් වින්දිතයාට “දඬුවම්” ලබා දී ඇතැයි ඔවුන් විශ්වාස කරන බව හඟවමින්, දක්ෂිණාංශික Tehreek-e-Labaik පකිස්ථානයේ සටන් පාඨ කියමින් මැරයන් අතරින් කිහිප දෙනෙකු කෑගසා ඇත. සෙනඟ පිරී ඉතිරී යන විට ප්රාදේශීය පොලිසිය එම ස්ථානයට පැමිණි අතර, ප්රකාශකයෙකු පැවසුවේ පැය තුනක සාකච්ඡාවලින් පසු මැර පිරිස විසුරුවා හැරීමට සහ තත්ත්වය පාලනය කරන්නට හැකිවූ බවයි. පන්ජාබ් පොලිස් ප්රකාශකයෙකු පැවසුවේ ප්රධාන සැකකරු ඇතුළු 50 කට වැඩි පිරිසක් අත්අඩංගුවට ගෙන ඇති බවත්, ශ්රී ලංකා කළමනාකරුට වධහිංසා පමුණුවන ආකාරය සහ ඔහුට එරෙහිව ජනතාව උසිගන්වන ආකාරය වීඩියෝවල දක්නට ලැබෙන බවත්ය. CCTV දර්ශන මගින් ලින්ච් මැර කල්ලියේ අතිරේක සාමාජිකයින් හඳුනා ගැනීමට නිලධාරීන් උත්සාහ කරමින් සිටින බව පොලිසිය දන්වා ඇත. ත්රස්තවාදය වැළැක්වීමේ පනතේ 7 වැනි වගන්තිය යටතේ දඩුවම් පනවන බවද දන්වා ඇත. මුස්ලිම් බහුතරයක් වෙසෙන පකිස්ථානයේ මරණීය දණ්ඩනය නියම කළ හැකි අපරාධයක් වන – අපහාස කිරීමේ චෝදනා මත මෙවැනි මැර ඝාතන නිතර සිදුවන බව පැවසේ.
කලාමනාකරුවෙක් නොවේ ඊට වඩා ලොකු තනතුරකට උනත් වෙනත් රටකට ගියාම අපි ඒ රටේ සම්ප්රදාය නීති රීති අනුව ඉවසීමෙන් ඉන්න ඕනේ
ඒක මෙහෙ ඉන්න හැත්තටත් කියන්න.කොන කපලද?