පයාගල පොලිසියේ නිලධාරීන් දස දෙනකු පමණ ආහාර විෂ වීමකින් රෝගාතුර වී ඇතැයි වාර්තා වනවා.
අප වාර්තාකරු සඳහන් කළේ රෝගී වූ පිරිස් අතර පාලන අංශයේ සහ දූෂණ මර්දන අංශයේ ස්ථානාධිපතිවරුන් දෙදෙනා වන උප පොලිස් පරීක්ෂකවරුන් මෙන්ම පොලිස් කාන්තාවන් සහ කොස්තාපල්වරුන් ද සිටින බවයි.
මේ වන විට පොලිස් පරීක්ෂකවරුන් දෙදෙනා, පොලිස් කාන්තාවක් සහ කොස්තාපල්වරයෙකු පමණක් නාගොඩ රෝහලේ ප්රතිකාර ලබන අතර සෙසු පිරිස ප්රතිකාර ලබාගෙන පිට වී ගොස් ඇති බවයි රෝහල් ප්රකාශකයකු සඳහන් කර ඇත්තේ.
ඊයේ රාත්රී බත් සමඟ ආහාරයට ගත් හතු වර්ගයක් විෂවීම හේතුවෙන් මෙම නිලධාරීන් මෙලෙස රෝගාතුර වී ඇතැයි සඳහන්.
එලෙස රෝගාතුර වූ පිරිසට වමනය, බඩේ එළිය යාම වැනි රෝග ලක්ෂණ තිබූ බවයි වාර්තා වන්නේ.
එම හතු ව්යංජනය සීමිත පොලිස් නිලධාරීන් පිරිසක් පමණක් ආහාරයට ගෙන ඇතැයි ද හෙළිවී තිබෙනවා.
ඔබේ ප්රතිචාරය කුමක්ද ?
+1
1
+1
+1
5
+1
+1
2
+1
2
+1
3
