ආසියාතිකකරයට මෙන් ම ශ්‍රී ලංකාවට අදටත් අමරණීය මතකයක් මලල ක්‍රීඩාවෙන් තැබුවේ නම්; ඒ අවිවාදයෙන් ම කෙටි දුර ධාවන ශූරී සුසන්තිකා ජයසිංහ දිනූ ඔලිම්පික් පදක්කමයි.
ඇය 2000 වර්ෂයේ දී ඔස්ට්‍රෙලියාවේ සිඩ්නි නුවර දී පැවති ඔලිම්පික් තරගාවලියේ දී කෙටි දුර ධාවන තරගයෙන් රිදී පදක්කමක් දිනා ගැනීමට සමත් වුණා.
ඇය මීට මාස දෙකකට පමණ පෙර ශ්‍රී ලංකාව අතහැර ස්ථිර පදිංචිය සඳහා ඔස්ට්‍රෙලියාව වෙත පවුල සමගින් ම සංක්‍රමණය වී ඇති බවයි ආරංචි මාර්ග සඳහන් කළේ.
මෙරට මලල ක්‍රීඩාවේ සිටි පුහුණු උපදේශිකාවක් ලෙසට ද කටයුතු කළ සුසන්තිකා ජයසිංහ මහත්මිය සිය දරුවන් දෙදෙනාගේ අධ්‍යාපනික කටයුතු වෙනුවෙන් රට අතහැර යාමට තීරණය කළ බවත් වාර්තා වනවා.
ඇයට ඔස්ට්‍රෙලියාවේ පුරවැසිභාවය හිමි ව ඇති අතර ඇය මේ වනවිට පදිංචි ව සිටින්නේ මෙල්බර්න් නුවරයි.
සුසන්තිකා ජයසිංහ ක්‍රීඩිකාවගේ සමකාලීන ක්‍රීඩිකා, ආසියානු පදක්කම්ලාභිනී සහ ඔලිම්පික් ක්‍රීඩිකා දමයන්ති දර්ශා ද වසර කිහිපයකට පෙර තම පවුල සමඟ ඔස්ට්‍රෙලියාවට සංක්‍රමණය වුණා.
Our first 1948 Olympic medalist left Ceylon for a reason. After 76 years our only medalist leaving the country for another reason. Don’t blame her. Pl simply Pray for this country.Wish her and kids a peaceful and happy future.