එළඹෙන ඔක්තෝම්බර් 03 වැනි දින සිට ඇරඹෙන ආසියානු කුසලාන T20 කාන්තා ක්රිකට් ශූරතාව සඳහා ශ්රී ලංකා කාන්තා කණ්ඩායම නියෝජනය කරන සංචිතය ප්රකාශයට පත් කර තිබෙනවා.
අද (17) පස්වරුවේ මෙම නිල සංචිතය ශ්රී ලංකා ක්රිකට් ආයතනය විසිනුයි ප්රකාශයට පත් කරනු ලැබුවේ.
ශ්රී ලංකා කාන්තා කණ්ඩායමේ නායකත්වය සුපුරුදු පරිදි චමරි අතපත්තුට හිමි ව තිබෙනවා.
චමරිගේ නායකත්වය යටතේ ශ්රී ලංකා සංචිතයට ක්රීඩිකාවන් 15 දෙනෙකු ඇතුළත්.
2024 වර්ෂයේ ආසියාවේ T20 ශූරියන් කවුරුන් ද යන්න තීරණය කෙරෙන මෙම තරගාවලිය සඳහා කණ්ඩායම් 08ක් සුදුසුකම් ලබා සිටිනවා.
ඒ තරග 15ක් සඳහා යි.
ආසියානු කුසලාන කාන්තා T20 ක්රිකට් තරගාවලියට සහභාගි වන ශ්රී ලංකා සංචිතය වන්නේ; චමරි අතපත්තු, විශ්මි ගුණරත්න, හර්ෂිතා සමරවික්රම, හසිනි පෙරේරා, කවීෂා දිල්හාරී, නිලක්ෂි ද සිල්වා, අනුෂ්කා සංජීවනී, සුගන්දිකා කුමාරි, උදේශිකා ප්රබෝදනී, අචිනි කුලසූරිය, ඉනෝෂි ප්රියදර්ශනී, කාව්යා කාවින්දී, සචිනි නිසංසලා, ශෂිනි ගිම්හානී සහ අමා කාංචනා ය.
මෙවර ආසියානු කුසලාන T20 කාන්තා ක්රිකට් තරගාවලිය සඳහා ශ්රී ලංකාව සත්කාරකත්වය දරණ අතර තරගාවලිය ලබන 19 වනදා රංගිරි දඹුල්ල ක්රිකට් ක්රීඩාංගණයේ දී ආරම්භ වීමට නියමිතයි.
ශ්රී ලංකා කාන්තා කණ්ඩායම සහභාගී වන පළමු තරගය ලබන 20 වනදා බංග්ලාදේශය සමග පැවැත්වෙනු ඇති.
Wish your all the best ..Our cricket queen Chamari Athapaththu & our girls 🌹🌹🌹🌹