ආසියානු සංවර්ධන බැංකුව විසින් අරමුදල් සපයන විදුලිබල පද්ධතියේ විශ්වසනීයත්වය වැඩිදියුණු කිරීමේ ව්යාපෘතිය යටතේ විදුලි සම්ප්රේෂණ ජාලය ශක්තිමත් කිරීම සහ නවීකරණය කිරීම සඳහා හඳුනාගනු ලැබ ඇති ව්යාපෘති ක්රියාත්මක කිරීම පිණිස ආසියානු සංවර්ධන බැංකුව සමඟ සාකච්ඡා කිරීම සඳහා 2024‑09‑02 දින පැවති අමාත්ය මණ්ඩල රැස්වීමේ දී අනුමැතිය ලබා දී තිබෙනවා.
භාණ්ඩාගාර ඇපකරයක් මත වෙන් වෙන් වශයෙන් ණය ගිවිසුම් 02ක් යටතේ ලංකා විදුලිබල මණ්ඩලය සහ සීමාසහිත ලංකා විදුලි (පුද්ගලික) සමාගම වෙත පිළිවෙලින් අමෙරිකානු ඩොලර් මිලියන 150ක් සහ අමෙරිකානු ඩොලර් මිලියන 50ක් වශයෙන් අමෙරිකානු ඩොලර් මිලියන 200ක ණය මුදලක් ලබාදීමට ආසියානු සංවර්ධන බැංකුව එකඟතාව පළ කර තිබෙන බවත් සඳහන්.
ඒ අනුව, එකී ණය මුදල ලබා ගැනීම සඳහා වන ඇපකර ගිවිසුමකට ආසියානු සංවර්ධන බැංකුව සමග අත්සන් තැබීම පිණිස මුදල්, ක්රමසම්පාදන සහ ආර්ථික සංවර්ධන අමාත්ය වශයෙන් ජනාධිපතිවරයා ඉදිරිපත් කළ යෝජනාව අමාත්ය මණ්ඩලය විසින් අනුමත කරනු ලැබුවා.
