2023 ආසියානු කුසලාන ක්‍රිකට් තරඟාවලියේ කාලසටහන ප්‍රකාශයට පත් කර තිබෙනවා.
අගෝස්තු 30 සිට සැප්තැම්බර් 17 දක්වා පැවැත්වෙන තරඟාවලියට පකිස්ථානය සහ ශ්‍රී ලංකාව එක්ව සම සත්කාරකත්වය දක්වනු ඇති.
මුල්තාන් හිදී පැවැත්වෙන පළමු තරගයේදී පාකිස්තානය නේපාලයට එරෙහිව තරග වැදීමට නියමිතයි.
පන්දුවාර පනහක තරග රටාවකින් පැවැත්වෙන මෙම තරගාවලියේ ආසියානු රටවල කණ්ඩායම් 6 කණ්ඩායම් තුන බැගින් කාණ්ඩ දෙකකට බෙදා තිබෙනවා.
පාකිස්තානය, ඉන්දියාව සහ නේපාලය A කාණ්ඩයෙන් ද, බංග්ලාදේශය, ඇෆ්ගනිස්තානය සහ ශ්‍රී ලංකාව B කාණ්ඩය ද නියෝජනය කරනවා.
තරඟාවලිය දෙමුහුන් ආකෘතියක් අනුගමනය කරන අතර, තරඟ 4ක් පකිස්ථානයේ ක්‍රීඩාංගන දෙකක පැවැත්වෙන අතර ඉතිරි තරග සඳහා සත්කාරකත්වය දරනු ලබන්නේ ශ්‍රී ලංකාවයි.
ඉන්දියාව සහ පාකිස්ථානය අතර සුවිශේෂී තරගය සැප්තැම්බර් 2 වැනිදා මහනුවර පල්ලෙකැලේ ක්‍රීඩාංගනයේ දී පැවැත්වීමට නියමිතව තිබෙනවා.
