2024 ආසියානු කුසලානයේ (කාන්තා) අවසන් මහා සටනට සුදුසුකම් ලබන කණ්ඩායම් ද්විත්වය තීරණය කිරීමේ අවසන් පූර්ව වටයේ තරග අද (26) ආරම්භ වනවා.
මේ වනවිට A සහ B කාණ්ඩවලින් අවසන් පූර්ව වටයට සුදුසුකම් ලබා ඇත්තේ ඉන්දියාව, බංග්ලාදේශය, ශ්‍රී ලංකාව සහ පාකිස්තානයයි.
අද දහවල් 2ට දඹුල්ල ජාත්‍යන්තර ක්‍රීඩාංගණයේ දී ඉන්දියාවට එරෙහි ව බංග්ලාදේශය තරග බිමට පිවිසෙනවා.
ශ්‍රී ලංකා කාන්තා කණ්ඩායම අද රාත්‍රී 07ට තරග බිමට පිවිසෙන්නේ පාකිස්තාන කාන්තා කණ්ඩායමට එරෙහිවයි.
මේ වනවිට ශ්‍රී ලංකා කාන්තා කණ්ඩායම පැවති තරග 03ම ජය ගනිමින් අපරාජිත ව අවසන් පූර්ව වටයට සුදුසුකම් ලබා සිටිනවා.
මූලික වටයේ තරගවල දී ශ්‍රී ලංකාව හමුවේ බංග්ලාදේශය, මැලේසියාව හා තායිලන්තය පරාජයට පත් වුණා.
