ආසියානු කුසලානයේ A ඛාණ්ඩයේ පාකිස්ථානය සහ ඉන්දියාව අතර තරගයෙන් පසු දෙපිළේ ක්රීඩකයින් අතට අත හුවමාරු කර නොගැනීම සම්බන්ධව මේ වන විට ජ්යාත්යන්තරයේ විශේෂ අවධානයක් හිමිව තිබෙනවා.
දෙරට අතර පවතින දේශපාලන අර්බුධ වල ප්රතිඵලයක් ලෙස ඉන්දීය කණ්ඩායම විසින් තරග අවසානයේ මෙලෙස අතට අත දීම ප්රතික්ෂේප කර තිබුණා.
කෙසේ වෙතත් පකිස්ථාන කණ්ඩායම විසින් ඉන්දීය කණ්ඩායමේ මෙම හැසිරීම සම්බන්ධව තම අප්රසාදය පළකර තිබුණු අතර ඒ බව දන්වමින් ඔවුන් විසින් ආසියානු ක්රිකට් කවුන්සිලය වෙත ලිපියක් ද යොමු කළා.
එම ලිපියේ වැඩිදුරටත් පකිස්තානය විසින් සඳහන් කර තිබෙන්නේ ඉන්දීය තරගයේදී තරග තීරකවරයා ලෙස කටයුතු කළ ඇන්ඩි පයික්රොෆ්ට්, මින් ඉදිරියට පාකිස්ථානය සහභාගීවන තරග තීරකවරයා ලෙස යොදා නොගන්නා බව තහවුරු කළයුතු බවයි.
එමෙන්ම මෙවැනි තත්වයක් මත පකිස්තානය තරගාවලියට සහභාගී වීම අවිනිශ්චිත බවද ඔවුන් නිවේදනය කර තිබෙනවා.
කෙසේ වෙතත් අදාළ ලිපියට ප්රතිචාර දක්වමින්, අද (17) රාත්රියේ පැවැත්වීමට නියමිත පාකිස්ථානය සහ එක්සත් අරාබි එමීර් රාජ්යය අතර තරගයට ඇන්ඩි පයික්රොෆ්ට්ව තරග තීරකයා ලෙස යොදා නොගැනීමට තීරණය ඇති බව ආසියානු ක්රිකට් කවුන්සිලය පවසනවා.
ඒ අනුව පකිස්ථානය තරගාවලියට සහභාගී වීමේ තීරණය අද දිනය තුළ දී ලැබීමට නියමිතයි.
මේ අතර ඉන්දීය නායක සූර්ය කුමාර් යාදව් විසින් තම කණ්ඩායම ආසියානු කුසලානය ජයග්රහණය කළහොත් ආසියානු ක්රිකට් කවුන්සිලයේ සභාපතිවරයා අතින් ආසියානු කුසලානය ලබා නොගන්නා බවට ආසියානු ක්රිකට් කවුසිලය වෙත දැනුම් දී ඇති බවට විදෙස් මාධ්ය වාර්තා කරනවා.
ආසියානු ක්රිකට් කවුන්සිලයේ සභාපතිවරයා වන මොහ්සින් නක්වි, පකිස්ථාන ජාතිකයෙක් වන අතර පකිස්ථාන ක්රිකට් ආයතනයේ සභාපතිවරයා ලෙස කටයුතු කරන්නේ ද ඔහු වීම නිසා ඉන්දීය නායකයා විසින් මෙලෙස ඔහුගෙන් කුසලානය ලබා ගැනීම ප්රතික්ෂේප කාර ඇති බවයි වාර්තා වන්නේ.
This time is srilanka
Cup eka epanam tiyala yanna koyanna