රටේ ආපදා කළමනාකරණ රාමුව සංශෝධනය කිරීමට රජය පියවර ගනිමින් සිටින බව ආරක්ෂක නියෝජ්‍ය අමාත්‍ය විශ්‍රාමික මේජර් ජෙනරාල් අරුණ ජයසේකර පවසනවා.
පවතින කාලගුණික තත්ත්වයන් සැලකිල්ලට ගනිමින් මෙම පියවර ගන්නා බවයි ආරක්ෂක නියෝජ්‍ය අමාත්‍යවරයා සඳහන් කළේ.
ඒ, අනුව සියලුම රාජ්‍ය ආයතන, අමාත්‍යාංශ, සිවිල් සංවිධාන සහ ත්‍රිවිධ හමුදාවන් ඒකාබද්ධ කරන නව වැඩසටහනක් ක්‍රියාත්මක කිරීමට නියමිතයි.
විභව ආපදා සඳහා වඩාත් හොඳින් සූදානම් වීම සඳහා උපද්‍රව හඳුනාගැනීම සහ පූර්ව අනතුරු ඇඟවීමේ පද්ධතිය ශක්තිමත් කිරීම සඳහා මෙම වැඩසටහනෙන් ප්‍රමුඛත්වය දී තිබෙනවා.
