දැඩි ආන්දෝලනයකට තුඩු දුන් මෙවර 5 ශ්‍රේණිය ශිෂ්‍යත්ව විභාගයේ පිළිතුරු පත්‍ර ඇගයීම් කටයුතු එළඹෙන ජනවාරි 08 වැනි දින ආරම්භ කිරීමට තීරණය කර තිබෙනවා.
අද (04) පස්වරුවේ ප්‍රකාශයක් නිකුත් කරමින් ශ්‍රී ලංකා විභාග දෙපාර්තමේන්තුවේ විභාග කොමසාරිස් ජනරාල් අමිත් ජයසුන්දර මහතා මේ බව සඳහන් කළා.
ජනවාරි 05 වැනි දින පිටු 68කින් යුතු අධිකරණ තීන්දුවක් නිකුත් කරමින් ශ්‍රේෂ්ඨාධිකරණය පැවසුවේ අසාධාරණයට ලක් වූ දරුවන්ට පමණක් නිදහස් ලකුණු පිටවූවා යැයි පැවසෙන ප්‍රශ්න තුනක් සඳහා පිරිනැමීම මූලික මිනිස් අයිතිවාසිකම් උල්ලංඝනය වීමක් බවයි.
ඒ සම්බන්ධයෙන් වන මූලික අයිතිවාසිකම් පෙත්සම් කිහිපයක් විභාගයට ගනිමින් අධිකරණය මෙය තීන්දු කළා.
මීට පෙර විභාග දෙපාර්තමේන්තුව සහ අධ්‍යාපන අමාත්‍යාංශය එක් ව ගෙන තිබූ තීන්දුව වූයේ පිට වූවා යැයි සඳහන් කෙරෙන ප්‍රශ්න සඳහා නිදහස් ලකුණු පිරිනැමීමටයි.
නමුත් දෙමාපියන් ඇතැමෙකු ඊට විරුද්ධත්වය පළ කරමින් නැවති ශිෂ්‍යත්ව විභාගයේ පළමු පත්‍රය තබන ලෙසට වර්ජනය කළා.
එවන් පසුබිමකයි අධිකරණයෙන් අදාළ නියෝගය නිකුත් කළේ.
ඒ අනුවයි විභාග දෙපාර්තමේන්තුව විසින් සියලුම විභාගය ලියූ 5 පන්තියේ දරුවන්ට නිදහස් ලකුණු පිරිනැමීමට අවසර ලබා දුන්නේ.
