කාවඩි කණ්ඩායම් අතර ඇති වූ ආරවුලක් පදනම් කර ගනිමින් තර්ජනාත්මක හඬපට සමග මහත් අන්දෝලනාත්වමක තුඩු දුන්, දෙවිනුවර උපුල්වන් ශ්රී විෂ්ණු මහා දේවාලයේ වාර්ෂික ඇසළ පෙරහර මංගල්යයේ පළමු පේළි පෙරහර ඊයේ (23) රාත්රි ආරම්භ වුණා.
පළමු පේළි පෙරහර එසේ ආරම්භ වූ අතර අවසන් පේලි පෙරහර ලබන 28 වැනිදා පවත්වා මහා රන්දෝලි පෙරහර 29 වැනිදා පැවැත්වීමටයි නියමිතයි.
සිද්ධියට මුල් වූ දෙවුන්දර විශ්ණු මහා දේවාලයේ බස්නායක නිළමේ තිළිණ මදුෂංක මහතා පෙරහැරේ දැඩි පොලිස් ආරක්ෂාවක් සහිතව ගමන් කළා.
මෙම පෙරහර මංගල්යය වෙනුවෙන් විශේෂ ආරක්ෂක හා රථ වාහන සැලැස්මක් ක්රියාත්මක කර ඇති බව ද පොලිසිය පවසනවා.
ඒ අනුව, පෙරහර නැරඹීමට පැමිණෙන ජනතාවගේ හා දේපලවල ආරක්ෂාව මෙන්ම රථවාහන හැසිරවීම සඳහා පොලිස් නිලධාරීන් 650 ක් යොදවා ඇති බවයි පොලිස් මාධ්ය කොට්ඨාසය නිවේදනය කළේ.
ඊට අමතරව පොලිස් විශේෂ කාර්ය බලකායේ නිලධාරීන් 100 ක් හා බුද්ධි අංශ නිලධාරීන් ද රාජකාරී සඳහා යොදවා තිබෙනවා.
