වාහන ආනයනය තහනම තිබියදී විශේෂ කටයුතු සඳහා වාහන 6900ක් ගෙන්වීමට අවසර දුන් බව මුදල් රාජ්ය අමාත්ය රංජිත් සියඹලාපිටිය මහතා පවසනවා.
ඉන් වාහන 3000ක් පොලිස් දෙපාර්තමේන්තුවට අවශ්ය ජිප් රථ සහ ත්රිරෝද රථ බවයි ඔහු සඳහන් කළේ.
වාහන ආනයන තහනම පියවරෙන් පියවර ඉවත් කිරීමට කටයුතු කරන බව පැවසූ රාජ්ය අමාත්යවරයා සඳහන් කළේ වාහන අමතර කොටස් ගෙන්වීමට තිබූ තහනම ද සම්පූර්ණයෙන්ම ඉවත් කර ඇති බවයි.
කොව්ඩ් අර්බුදය සමග මතු වූ ආර්ථික ගැටලුව සමඟ මෙරටට වාහන ආනයනය කිරීම තාවකාලිකව නතර කිරීමට රජය ප්රතිපත්තිමය තීරණයක් ගනු ලැබුවා.
ඒ අනුව 2022 වසරේ ජුනි මස 5 වනදා ගිලන්රථ, පොදු ව්යාපෘතිවලට අවශ්ය රථ, තානාපති කාර්යාලවලට අවශ්ය රථ වැනි පොදු අවශ්යතාවයන්ට අවශ්ය වාහන ගෙන්වීමට අවසර හිමිවූ අතර වෙනත් වාහන ගෙන්වීම තහනම් කෙරුණා.
මුදල් රාජ්ය අමාත්ය රංජිත් සියඹලාපිටිය මහතා සඳහන් කළේ නීති විරෝධීව ගෙන්වනු ලැබූ වාහන අත්අඩංගුවට ගැනීමට කටයුතු කරන බවයි.
