සිය පළාත තුළ ලියාපදිංචි වී ඇති සියළුම වාහන සඳහා ආදායම් බලපත්‍ර නිකුත් කිරීම තාවකාලිකව අත්හිටුවීමට තීරණය කළ බව සබරගමුව පළාත් සභාව නිවේදනය කරනවා.
කොවිඩ් 19 වසංගත තත්ත්වයේ ව්‍යාප්තිය හමුවේ මෙම තීරණය ගෙන ඇති බව සඳහන්.
ඒ අනුව 2021 මැයි 13 වැනි දා සිට 2021 මැයි 31 දක්වා කාලය තුළ ආදායම් බලපත්‍ර නිකුත් නොකිරීමටයි තීරණය කර ඇත්තේ.
එම කාලය තුළ සහ ජුනි මස 15 වැනි දා දක්වාම දඩමුදල් අයකිරීමක් සිදු නොවන බව ද සබරගමුව පළාත් සභාව නිවේදනය කරනවා.
මීට පෙර බස්නාහිර සහ දකුණු පළාත්වල ලියාපදිංචි වාහන සඳහා බලපත්‍ර නිකුත් කිරීම ද තාවකාලිකව අත්හිටවනු ලැබුවා
