ආදායම් බදු වාර්තා ඉදිරිපත් කිරීමට ඇති අවසන් දවස අද

2023 – 2024 තක්සේරු වර්ෂය සඳහා ආදායම් බදු වාර්තා ඉදිරිපත් කිරීමට ලබා දී ඇති කාලය අදින් (30) අවසන් වනවා.

දේශීය ආදායම් දෙපාර්තමේන්තුව නිවේදනය කළේ මෙම ආදායම් බදු වාර්තා මාර්ගගත ක්‍රමයට පමණක් ලබා ගන්නා බවයි.

ඒ සඳහා තාක්ෂණික සහාය ලබාදීම වෙනුවෙන් දේශීය ආදායම් දෙපාර්තමේන්තුවේ ප්‍රධාන කාර්යාලය, ප්‍රාදේශීය හා නගර කාර්යාල සාමාන්‍ය රාජකාරී දිනයක් ලෙස අද (30) දිනය තුළ විවෘතව තබන බවයි එම දෙපාර්තමේන්තුව සඳහන් කළේ.

ඊට අමතරව මේ සඳහා දේශීය ආදායම් දෙපාර්තමේන්තුවේ ප්‍රධාන කාර්යාලය ද විවෘතව තබන බවයි දැනුම් දුන්නේ.