ප්රේම සම්බන්ධතාවක් මත තරුණයෙකු සහ තරුණියක් වස පානය කර සියදිවි හානිකර ගැනීමේ පුවතක් ආදරවන්තයින්ගේ දිනය යෙදී තිබූ ඊයේ (14) දිනයේ ඉන්දියාවෙන් වාර්තා වනවා.
මහෝබා දිස්ත්රික්කයේ චර්ඛාරි ප්රදේශයේ දී මෙලෙස සියදිවි හානි කරගෙන ඇත්තේ වයස අවුරුදු 22ක තරුණයෙක් සහ 20 හැවිරිදි තරුණියෙක්.
මොවුන් දෙදෙනා ඥාති සොහොයුර සොහොයුරියන් වන අතර කලක සිට දෙදෙනා මෙම ආදර සම්බන්ධය පවත්වාගෙන ගොස් ඇති බවයි බවයි අනාවරණය වී ඇත්තේ.
වස පානය කිරීමෙන් අනතුරුව තරුණයා රෝහලට රැගෙන ගොස් ඇති අතර, එලෙස ඔහු රෝහල් ගත කළත් ඔහුට ජීවත්වීමේ වාසනාව උදා වී නැහැ.
කෙසේ වෙතත් ඔහු මෙලෙස රෝහල් ගතකරන අවස්ථාවේ දී දෙදෙනා අතර පැවති මෙම සම්බන්ධය ගැන ඔහුගේ පවුලේ අයට පවසා ඇති අතර, ඔහු ඥාති සහෝදරිය සමඟ විවාහ වීමට කැමැත්ත පළ කළ බවත් සඳහන්.
ඔහු එහිදී පවුලේ අයට වැඩිදුරටත් පවසා ඇත්තේ තම ඥාති සහෝදරිය ද නිවසේ සිට වස පානය කර ඇති බවයි.
එලෙස වස පානය කිරීමෙන් පසු රෝහල් ගතකළ තරුණිය ද රෝහල් ගතකළ පසු ජීවිතක්ෂයට පත්ව තිබුණා.
මොවුන් දෙදෙනා මෙලෙස සියදිවි හානිකර ගැනීමට නිශ්චිත හේතුවක් තවමත් අනාවරණය වී නැහැ.
