ආණමඩුව නගරය තුළ පවත්වා ගෙන ගිය රජයේ තානායම මේ වන විට විනාශ වෙමින් පවතින ආකාරය දක්නට ලැබෙනවා.
නාගරික සංවර්ධන අධිකාරියට අයත් ආණමඩුව තානායම 1988 වසරේ පැවති ගම්උදාව සමයේදී ආරම්භ කරන ලද්දක් බවයි වාර්තා වන්නේ.
පසු කළෙක ආණමඩුවට පැමිණෙන දෙස් විදෙස් ආගන්තුකයින්ගේ ප්‍රධානතම නැවතුම්පොළ බවට පත්ව තිබෙන්නේ ද මෙම තානායමයි.
ආණමඩුව නගර සීමාවේ ඉතාමත්ම ඉහළ වටිනාකමකින් යුත් බිමක මෙම තානායම ඉදිකරන්නට කටයුතු කර ඇති බව අප වාර්තාකරු සඳහන් කළා.
වර්තමානය වන විට ආණමඩුව තානායම සම්පූර්ණයෙන්ම වැසී ගොස් වල් බිහිවී ඇති බවක් දක්නට තිබෙනවා.
ඒ රුපියල් කෝටි ගණනක රාජ්‍ය මුදල් ප්‍රමාණයක්ද විනාශයට පත් කරමින් බවයි ප්‍රදේශ වාසීන් පෙන්වා දෙන්නේ.
තානායම නවීකරණය කිරීමට නාගරික සංවර්ධන අධිකාරිය නැවත කටයුතු කළ බව ඔවුන් සඳහන් කරනවා.
