2024 වසරේ දී නාසා ආයතන විසින් ‘ආටිමිස් 02’ චන්ද්‍ර මෙහෙයුම ක්‍රියාත්මක කිරීමට සැලසුම් කර තිබෙනවා.
ඒ, අනුව එම මෙහෙයුම සඳහා එක්ව ගඟනගාමීන් මුල්වරට හඳුන්වාදීමට නසා ආයතනය පසුගිය දා කටයුතු කළා.
‘ආටිමිස් 02’ චන්ද්‍ර මෙහෙයුම සඳහා ගඟනගාමීන් සිව්දෙනෙක් එක්වන අතර, එම පිරිසට කාන්තාවක් ද ඇතුළත්.
ක්‍රිස්ටිනා හැමෝක් කොෂ්, රීඩ් වයිස්මන්, වික්ටර් ග්ලෝවර් සහ ජෙරමි හැන්සන් එම ගඟනගාමීන් හතරදෙනායි.
මෙම මෙහෙයුමේ නියමුවා ලෙස වික්ටර් ග්ලෝවර් කටයුතු කරන අතර, කළු ජාතිකයෙක් වන ඔහු චන්ද්‍ර මෙහෙයුමකට එක් වන පළමු කළු ජාතික ගඟනගාමියා ලෙසට ඉතිහාස ගතවනවා.
රීඩ් වයිස්මන් ‘ආටිමිස් 02’ මෙහෙයුමට නායකත්වය ලබාදෙන අතර, කැනඩා අභ්‍යවකාශ ඒජන්සිය නියෝජනය කරමින් ජෙරමි හැන්සන් මේ සඳහා එක්ව සිටිනවා.
යළි සඳ ගවේෂණය කිරීම, සඳේ ජනාවාස පිහිටුවීමට ඇති හැකියාව සොයා බැලීම වෙනුවෙන් නාසා ආයතනය ‘ආටිමිස්’ මෙහෙයුම් මාලාව ආරම්භ කරනු ලැබුවා.
එම මෙහෙයුම් මාලාවේ දෙවැන්න ‘ආටිමිස් 2’ ලෙස මෙලෙස නම්කර ඇති අතර, මෙම මෙහෙයුමේ ගඟනගාමීන් සඳට මතට ගෙන යාම සහ ආපසු ගෙන්වා ගැනීම සිදුකරන්නේ ‘ඔරායන්’ යානය මඟින්.
‘ආටිමිස් 02’ චන්ද්‍ර මෙහෙයුම දින 10ක මෙහෙයුමක් ලෙසටයි සැළසුම්කර ඇත්තේ.
