කටුනායක ගුවන් තොටුපොළ ප්රමුඛව ශ්රී ලංකාව තුළ ක්රියාත්මක සියලුම ගුවන් තොටුපොළ සහ වරායන් තුළ ශ්රී ලංකා ආගමන විගමන නිලධාරීන්ගේ සංගමය වෘත්තීය සමිති විරෝධතා ව්යාපාරයක් ආරම්භ කර තිබෙනවා.
අද (12) උදෑසන 09.00 සිට හෙට (13) උදෑසන 09.00 දක්වා ‘අත්වල කළු පටි බැඳ’ මෙම වෘත්තීය සමිති ක්රියාමාර්ගයේ නිරතවන බවයි එම සංගමය සඳහන් කළේ.
දැනට ආගමන විගමන දෙපාර්තමේන්තුව සතුව පවතින උග්ර නිලධාරී හිඟය, නිසි කලට තනතුරු සඳහා පුරප්පාඩු සම්පූර්ණ නොකිරීම, රාජකාරී සේවා මුර ක්රමය වෙනස් කිරීම, රජය ස්ථිර වීසා ප්රතිපත්තියක නොපිහිටා කටයුතු කිරීම හේතුවෙන් සංචාරකයන් වේශයෙන් ජාත්යන්තර ජාවාරම්කරුවන් රට තුළට ඇතුළු වීම, වීසා අයදුම්පත් සම්බන්ධයෙන් කටයුතු කිරීමට විදේශීය පෞද්ගලික සමාගමකට භාරදීම යනාදී කරුණු කිහිපයක් මුල්කරගනිමින් මෙම වෘත්තීය සමිති විරෝධතා ව්යාපාරය ආරම්භ කර ඇති බවයි වාර්තා වන්නේ.
අද (12) පෙරවරුවේ සිට කටුනායක ගුවන් තොටුපොළ තුළ මෙම වෘත්තීය සමිති ක්රියාමාර්ගය ක්රියාත්මක වුව ද ගුවන්තොටුපොළ සාමාන්ය මෙහෙයුම් කටයුතුවලට කිසිඳු බාධාවක් සිදුව නිමති බවයි ගුවන්තොටුපොළ අප වාර්තාකරු සඳහන් කළේ.