එංගලන්තය සහ ඕස්ට්‍රේලියාව අතර අළු බඳුන තරගාවලියේ පළමු තරගයේ ජය වාර්තා කිරීම සඳහා ඕස්ට්‍රේලියාවට ලකුණු 204ක් ලබා ගත යුතුව තිබෙනවා.
තරගය ඊයේ (21) දිනයේ ඕස්ට්‍රේලියාවේ පර්ත් හිදී ආරම්භ වූ අතර තරගයේ කාසිය වාසිය ජයග්‍රහණය කළ එංගලන්ත නායකයා පළමුවෙන් පන්දුවට පහර දීමට තීරණය කළා.
කෙසේ වෙතත් එංගලන්ත පළමු ඉනිම ලකුණු 172කට සිමා වූ අතර පිළිතුරු ඉනිම සඳහා පිටියට පිවිසි ඕස්ට්‍රේලියා පිතිකරුවන්ටද රැස්කර ගැනීමට හැකි වූයේ ලකුණු 132ක් පමණයි.
ඉන් අනතුරුව නැවතත් සිය දෙවැනි ඉනිම වෙනුවෙන් පිටියට පිවිසි එංගලන්තය ලකණු 164 කට සීමා කිරීමට මිචෙල් ස්ටාක් සහ ස්කොට් බෝලන්ඩ් ප්‍රමුඛ ඕස්ට්‍රේලියානු පන්දුයවන්නන් සමත් වුණ.
ඒ අනුව තරගය ආරම්භ වී දින දෙකක් ගත වීමටත් පෙර ඕස්ට්‍රේලියානුවන් ලකුණු 204ක ජයග්‍රාහී ඉලක්කල වෙනුවෙන් පිටියට පිවිසෙනවා.
