අළුබඳුන ටෙස්ට් ක්‍රිකට් තරගාවලියේ තෙවැනි තරගයෙන් කඩුලු තුනක තියුණු ජයක් හිමිකර ගැනීමට එංගලන්ත කණ්ඩායමට අද (09) හැකියාව ලැබුණා.
තරගාවලි ජයග්‍රහණය වෙනුවෙන් බලාපොරොත්තු තබාගැනීමට නම් තීරණාත්මක මෙම තරගය ජයගැනීම එංගලන්ත කණ්ඩායමට අනිවාර්ය වුණා.
කෙසේ වෙතත් අද තරගය ජය ගැනීමට ඕස්ට්‍රේලියාවට හැකියාව ලැබුණේ නම් මෙවර අළුබඳුන ටෙස්ට් ක්‍රිකට් තරගාවලියේ ශූරතාවට හිමිකම් කීමට ඔවුන්ට අවස්ථාව උදාවනවා.
ලීඩ්ස් හිදී පැවති මෙම තරගයේ පළමුව පන්දුවට පහරදුන් ඕස්ට්‍රේලියාව සිය පළමු ඉනිම වෙනුවෙන් ලකුණු 263ක් රැස් කිරීමට සමත් වුණා.
ඊට පිළිතරු වශයෙන් එංගලන්තයට සිය පළමු ඉනිම සඳහා රැස්කර ගත හැකි වූයේ ලකුණු 237ක් පමණයි.
ඒ, අනුව ලකුණු 26ක වාසියක් සමඟින් දෙවන ඉනිම ආරම්භ කළ ඕස්ට්‍රේලියාව ලකුණු 224ක් රැස් කළේ එංගලන්තයට ජයග්‍රහණය වෙනුවෙන් ලකුණු 251ක ඉලක්කයක් ලබා දෙමින්.
අදාළ ඉලක්කය කඩුලු 07ක් පමණක් දැවී එංගලන්ත පිළට අද දිනයේ එම ඉලක්කය පසුකර යමින් එංගලන්තයට තීරණාත්මකව තිබූ මෙම තරගය ජය ගත්තා.
තරග පහකින් සමන්විත අළුබඳුන ටෙස්ට් ක්‍රිකට් තරගාවලියේ මේ වනවිට ඕස්ට්‍රේලියාව තරග දෙකක් සහ එංගලන්තය එක් තරගයක් ජයගෙන සිටිනවා.
