රජය මගින් ලබා දුන් අත්යවශ්යය භාණ්ඩ සදහා වන ආනයිනික බදු සහනය හරහා පොල්තෙල් ආනනයනකරුවන් විසින් අධික ලාභයක් ලබා ගැනීමේ සූදානමක් පවතින බවට සමස්ථ ලංකා පාරම්පරික පොල්තෙල් නිෂ්පාදකවරුන්ගේ සංගමය චෝදනා කරනවා.
ආනයනකරුවන් විසින් පරිභෝජනයට නුසුදුසු පොල්තෙල් විදේශයන්ගෙන් ආනයනය කරන බවත් එමගින් විශාල ලාභ ඉපැයීම ඔවුන් මූලික කර ගන්නා බවත් මෙහිදී චෝදනා එල්ල වුනා.
එහි ප්රධාන කැදවුම්කරු බුද්ධික ද සිල්වා මහතා මාධ්යයට අදහස් දක්වමින් පෙන්වා දුන්නේ මෙරට පාරිභෝජනයට අවශ්ය පොල්තෙල්වලින් රට ස්වයංපෝෂිත බවයි.එම නිසා විදේශයන් සිට පොල්තෙල් ආනනයනය කිරීමට කිසිදු අවශ්යතාවක් නොමැති බවයි ඔහු වැඩිදුරටත් පෙන්වා දෙන්නේ.එමෙන්ම මීට පෙර පිළිකාකාරක අඩංගු පොල්තෙල් පිළිබඳ රට පුරා පැතිර ගිය භීතිකාව හමුවේ දේශීය පොල්තෙල් පිළිබද වැඩි උනන්දුවක් දැක්වීම පාරිභෝගික අපේ වගකීමක් බව මෙහිදී මතක් කල යුතුමය.
