අස්වැසුම ප්රතිලාභ සදහා රුපියල් බිලියන පහක මුදලක් මහා භාණ්ඩාගාරය විසින් බැංකු වෙත යොමු කිරීම සිදුකළ බව මුදල් රාජ්ය අමාත්ය ශෙහාන් සේමසිංහ පවසනවා.
ඒ, අනුව ඉදිරි දිනවල දී එම මුදල් ප්රතිලාභ ලාභීන්ගේ බැංකු ගිණුම් වෙත බැරවෙනු ඇති බවයි රාජ්ය අමාත්යවරයා පැවසුවේ.
අස්වැසුම ප්රතිලාභීන්ගේ නිවැරදිව තොරතුරු තහවුරු කරගෙන ඇති ප්රතිලාභී පවුල් ලක්ෂ 08ක් සදහා ජූලි මස වාරියක පළමුව ලබාදෙන අතර, ඒ සඳහා අවශ්ය මුදල් මහා භාණ්ඩාගාරය මගින් බැංකු වෙත මෙලෙස බැරකර තිබෙනවා.
සමාජ ප්රතිලාභීන් ලක්ෂ 20ක් සඳහා ප්රතිලාභ ලබාදීමට කිසිදු භේදයකින් තොරව පාර්ලිමේන්තුව එකඟතාව පළ කළ බවත් ඒ අනුව මේ වන විට ලක්ෂ 15ක් පමණ ප්රතිලාභීන් පිරිසක් තෝරාගෙන ඇති බවත් රාජ්ය අමාත්යවරයා පවසනවා.
මේ අතර සාවද්ය තොරතුරු ලබාදීමෙන් වළකින ලෙසත්, සාවද්ය තොරතුරු මත යම් අයෙකු ප්රතිලාභ ලබාගෙන ඇත්නම් එම මුදල් රජයට අය කරගනිමින් ඔවුන්ට විරුද්ධව අධිකරණ ක්රියාමාර්ග ගන්නා බවත් රාජ්ය අමාත්යවරයා වැඩිදුරටත් සඳහන් කර සිටියා.
