අස්වැසුම අයදුම්පත් යොමු කිරීමේ කාලය දීර්ඝ කරයි (වීඩියෝ)

අස්වැසුම සුබ සාධක ප්‍රතිලාභ වැඩසටහනේ දෙවැනි අදියර වෙනුවෙන් අයදුම්පත් කැඳවීමේ දීර්ඝ කර තිබෙනවා.

ඒ අනුව මාර්තු 22 දක්වා මේ සදහා අයදුම්පත් යොමු කිරීමේ අවස්තාව මහජනතාවට හිමිවනු ඇති.

මේ වන විට අයදුම්පත් 130,000ක් දෙවැනි වටය සඳහා දත්ත පද්ධතිය වෙත ලැබී ඇති බවද මුදල් රාජ්‍ය අමාත්‍ය ෂෙහාන් සේමසිංහ කියා සිටියා.

තවත් අයදුම්පත් ප්‍රමාණයක් ප්‍රාදේශීය ලේකම් කාර්යාල මගින් දත්ත පද්ධතිය වෙත ඇතුළත් කළ යුතුව ඇති බවයි අමාත්‍යවරයා සදහන් කළේ.

පළමු වටයේ ලැබුණු අභියාචනා සහ විරෝධතා 1,227,000න් 212,000ක් පමණ එකම පාර්ශ්වය විසින් කිහිප වරක් විරෝධතා සහ අභියාචනා ඉදිරිපත් කළ අවස්ථා ලෙස වාර්තා වන බවත් සැබෑ විරෝධතා සහ අභියාචනා ප්‍රමාණය 966,000ක් බවත් අමාත්‍යවරයා මෙහිදී ප්‍රකාශ කළා.

මෙම විරෝධතා සහ අභියාචනා හේතුවෙන් මේ වන විට 10,000ක පමණ පිරිසක් අස්වැසුම සඳහා නුසුදුස්සන් බවට පත්ව ඇති බවයි අමාත්‍යවරයා පෙන්වා දෙන්නේ.

අමාත්‍යවරයා වැඩිදුරටත් පෙන්වා දෙන්නේ මේ වන විටත් ප්‍රතිලාභ ලබා ඇති පිරිසගෙන් එම මුදල් නැවත අය කර ගැනීමට අදාළ නීතිමය පියවර ගැනීමට සූදානම් බවයි