අස්වැසුම සඳහා පෙබරවාරි 15 වනදා දින සිට මාසයක කාලයක් පුරා නැවත අයදුම්පත්ර කැඳවීම සිදුකරන බව මුදල් රාජ්ය අමාත්ය ශෙහාන් සේමසිංහ පවසනවා.
ඒ පිළිබඳව පුළුල් ප්රචාරයක් ලබාදීමට කටයුතු කරන බවයි රාජ්ය අමාත්යවරයා සඳහන් කළේ.
අනුරාධපුර ඒකාබද්ධ නාගරික සංවර්ධන ව්යාපෘතියක් ලෙස ශ්රී ලංකා රජය සහ සංවර්ධන සඳහා වූ ප්රංශ නියෝජිත ආයතනය මූල්ය දායකත්වයෙන් ආරම්භ කරන ලද දක්ෂිණ බහුවිධ ප්රවාහන මධ්යස්ථානයේ රාජ්ය අමාත්යවරයා නිරීක්ෂණ චාරිකාවක නිරත වුණා.
ඉන් අනතුරුව මාධ්ය වෙත අදහස් දක්වමින් ඔහු කියා සිටියේ, රටේ පවතින මූල්ය අර්බුදය හේතුවෙන් මෙම ව්යාපෘතිය තාවකාලිකව නතර කර තිබුණද අත්යවශ්ය ව්යාපෘති නැවත ක්රියාත්මක කිරීමේ රජයේ වැඩපිළිවෙළ යටතේ මේ සඳහා මූල්ය පහසුකම් ලබාදීමට රජය කටයුතු කරන බවයි.
මහා භාණ්ඩාගාරය සහ නාගරික සංවර්ධන අමාත්යාංශය ඒකාබද්ධව ක්රියාත්මක කරන අනුරාධපුර දක්ෂිණ ප්රවාහන මධ්යස්ථානය සංවර්ධන කටයුතු අවසන් කිරීම සඳහා මුදල් අමාත්යංශය මගින් රුපියල් බිලියන දෙකක මුදලක් වෙන් කර තිබෙනවා.
බස් රථවල ගමන් කරන මගීන්ට මෙන්ම දුම්රිය ප්රවාහනය සඳහා යොමු වන මගීන්ටද පහසුකම් සලසාදීම වෙනුවෙන් එම දුම්රිය සහ බස්රථ ප්රවාහන සේවා ඒකාබද්ධ කිරීමේ මෙම ව්යාපෘතිය මෙම වසරේ දෙසැම්බර් මාසය වන විට අවසන් කිරීම රජයේ අරමුණයි.
