වයස අවුරුදු 16ට අඩු දරුවන්ට සමාජ මාධ්‍ය භාවිතය සීමා කිරීමේ පනත් කෙටුම්පත ජනාධිපති නීතිඥ පාර්ලිමේන්තු මන්ත්‍රී ෆයිසර් මුස්තාෆා විසින් අද (24) දිනයේ පාර්ලිමේන්තුවට ඉදිරිපත් කළා.
අදාළ පනත් කෙටුම්පත මන්ත්‍රීවරයා විසින් පාර්ලිමේන්තු මහලේකම්වරිය වෙත භාර දී තිබෙනවා.
මෙම පනත මගින් වයස අවුරුදු 16ට අඩු දරුවන්ට සමාජ මාධ්‍ය වේදිකාවෙත ප්‍රවේශවීම වැළැක්වීමට විෂය භාර අමාත්‍යවරයාට (ළමා කටයුතු අමාත්‍යවරයාට) නියෝග පැනවීමට බලය පැවරෙනවා .
.
එමෙන්ම දරුවෙකුට දිනකට සමාජ මාධ්‍ය භාවිත කළ හැකි කාලය සීමා කිරීමට හෝ භාවිත කළ හැකි නිශ්චිත වේලාවන් නියම කිරීමට මෙමගින් අවස්ථාව උදාවෙන අතර, මෙම නීතිය ක්‍රියාත්මක කිරීම හා අධීක්ෂණය කිරීම සඳහා ජාතික ළමා ආරක්ෂක අධිකාරිය යටතේ බලයලත් කොමසාරිස්වරයෙකු පත්කිරීමට ද මෙමඟින් යෝජිතයි.
අවුරුදු 16 අඩු සෑම ළමයෙකුටම ස්මාට් පෝන් භාවිතය තහනම් කළ යුතුයි .