මහනුවර ඓතිහාසික ඇසළ මංගල්‍යයේ අවසාන රන්දෝලි පෙරහැර වීථි සංචාරය ආරම්භ වී තිබෙනවා.
අද (30) රාත්‍රී 07.03ට යෙදී තිබූ සුබ මොහොතිනුයි පෙරහැර වීථි සංචාරය ආරම්භ කරනු ලැබුවේ.
අවසන් රන්දෝලි පෙරහැර, යටිනුවර වීදිය, කන්දෙ වීදිය, ඩී. එස්.සේනානායක වීදිය ඔස්සේ පැමිණ රජ වීදියෙන් ඉහළට ගමන් කර මාළිගාවට ගෙවැදීමට නියමිතයි.
පෙරහැර සඳහා විශේෂ ආරක්ෂක වැඩපිළිවෙලක් සහ රථ වාහන සැලැස්මක් පොලිසිය විසින් ක්‍රියාත්මක කරනු ලබනවා.
අද අවසන් මහ රන්දෝලි පෙරහැරේ සධාතුක පෙරහර කරඬු වහන්සේ, වැඩම වනු ලබන්නේ කතරගම වාසනා හස්ති රාජයායි.
අප වාර්තාකරුවන් සඳහන් කළේ අවසන් මහ රන්දෝලි පෙරහර නැරඹීම වෙනුවෙන් දෙස් විදෙස් විශාල ජනකායක් මඟ දෙපස රැස්ව සිටින බවයි.
