පන්දුවාර 20 ක්රිකට් ලෝක කුසලානයේ අවසන් පූර්ව වටයේ දෙවැනි තරගය අද (27) පැවැත්වෙනවා.
ඒ එංගලන්තය සහ ඉන්දීය කණ්ඩායම අතර යි.
තරගය Providence හි දී අද රාත්රී 08ට ආරම්භ වීමට නියමිත ව තිබෙනවා.
එළඹෙන ජුනි මස 29 වැනි දින අවසන් මහා තරගය බ්රිජ්ටවුන් හි දී පැවැත්වෙන අතර; අද තරගයෙන් ජය ගන්නා කණ්ඩායම අනිද්දා දිනයේ දී දකුණු අප්රිකාවට එරෙහිව මුණගැහෙනු ඇති.
ඉන්දීය කණ්ඩායම මේ වනවිට මූලික වටයේ තරග සේ ම සුපිරි 08 දෙනාගේ තරග වටයෙන් ද එකදු තරගයක් හෝ පරාජයට පත් නොවී අපරාජිත ව ලෝක කුසලාන ගමන් මගේ රැඳී සිටිනවා.
එංගලන්තය මූලික වටයේ තරග 02ක් පරාජයට පත් ව; සුපිරි 08 වටයේ පැවති තරග 03න් දෙකක් ජයගෙන සිටිනවා.
එබැවින් ඉන්දීය කණ්ඩායමේ අපරාජිත මානසික මට්ටම ඇතැම් විට එංගලන්ත කණ්ඩායමට දැඩි පීඩනයක් ගෙන දිය හැකි බවයි ඇතැම් ක්රිකට් විචාරකයින් පෙන්වාදෙන්නේ.
අද තරගයේ නායකත්වය ඉන්දීය කණ්ඩායම වෙනුවෙන් රෝහිත් ෂර්මා ත් එංගලන්තය වෙනුවෙන් ජොස් බට්ලර් ත් විසින් මෙහෙයවනු ඇති.
