වෝර්න් – මුරලි ටෙස්ට් කුසලානයේ දෙවැනි සහ අවසන් ටෙස්ට් තරගයේ කාසියේ වාසිය ශ්රී ලංකාවට හිමිවුණා.
අද (06) තරගය ගාල්ල ජාත්යන්තර ක්රීඩාංගණයේ දී ඇරඹෙන අතර කාසියේ වාසිය දිනූ නායක ධනංජය ද සිල්වා තීරණය කළේ පළමුව පන්දුවට පහරදීමටයි.
අද තරගය ශ්රී ලංකාවට බෙහෙවින් වැදගත් වනවා.
ඒ ශ්රී ලංකා ක්රිකට් කණ්ඩායමේ ටෙස්ට් නායකයෙකු වශයෙන් කටයුතු කළ දිමුත් කරුණාරත්න සිය 100 වැනි ටෙස්ට් තරගයට අද දිනයේ දී එක්වෙමින් ජාත්යන්තර ක්රිකට් පිටියෙන් නිල වශයෙන් විශ්රාම ගැනීම හේතුවෙන්.
එමෙන්ම තරගාවලිය ජය පරාජයෙන් තොරව අවසන් කරගැනීමේ වැඩිම වගකීම ඇත්තේ ද ශ්රී ලංකාවටයි.
මන්දයත් ඔස්ට්රෙලියාව පළමු තරගය ජයගෙන තිබීම නිසාවෙන්.
අද තරගයට ශ්රී ලංකාව වෙනුවෙන් පිතිකරණයට පැතුම් මෙන්ඩිස් කැඳවා තිබෙනවා.
පන්දු බලඇණිය වෙනුවෙන් අසිත ප්රනාන්දු ඉවත් කර ළහිරු කුමාර සහ වැන්ඩර්සේ ඉවත් කර රමේෂ් මෙන්ඩිස් එක් කර තිබෙනවා.
ඔස්ට්රෙලියාව වෙනුවෙන් ටොඩ් මර්ෆි ඉවත් කර ජාත්යන්තර මංගල ටෙස්ට් වරම් දිනා ගනිමින් Cooper Connolly එක් ව සිටිනවා.
