වැලිගම, කප්පරතොට සිරි කෙත්ථාරාම පුරාණ විහාරස්ථානයේ හැදුණු වැඩුණු ශීබා නම් සුරතලාගේ අවසන් කටයුතු ගරු බුහුමන් දක්වමින් ආගමානුකූලව සිදුකර ඇති බව අප වාර්තාකරු සඳහන් කළා.
මෙම විහාරස්ථානයේ විටෙක සුරතලෙකු ලෙසත් තවත් විටෙක විහාරස්ථානයේ ආරක්ෂකයා ලෙසත් හදාවඩාගත් ශීබා කොළඹ ප්‍රදේශයේ පදිංචි හිතවතෙකු විසින් විහාරස්ථානයට ලබා දී තිබුණා.
ශීබා වසර 14කට වැඩි කාලයක් විහාරස්ථානයේ හැදුණු වැඩුණු අතර හිටි හැටියේ රෝගාතුර වී ඊයේ (28 ) දින මියගොස් තිබෙනවා.
එම සුනඛයාගෙන් විහාරස්ථානයට සිදු වූ සේවාව අගයනුවස් අවසන් කටයුතු ගෞර්වාන්විතව ආගමානුකූලව සිදු කිරීමට විහාරාධිපති ශාස්ත්‍රපති කොටපොල සුනීත හිමියන් හිමියන් ඇතුළු විහාරස්ථානයේ ස්වාමීන්වහන්සේලා කටයුතු කර තිබුණා.
ඒ සඳහා පළමුව ලෑලි යොදා ගනිමින් අලංකාරවත් පෙට්ටියක් විහාරස්ථානයේදීම සාදා අනතුරුව එහි ශීබා සුනඛයා තැන්පත් කොට එම සත්ත්වයාට ගරු බුහුමන් දැක්වීමට ද කටයුතු කර තිබෙනවා.
