ශ්‍රී ලංකාව හා පාකිස්ථානය අතර අවසන් එක්දින ක්‍රිකට් තරගයේ කාසියේ වාසිය දිනාගත් පාකිස්තාන නායක ෂහීන් ෂා අෆ්රිඩි පළමුව පන්දු යැවීමට තීරණය කළා.
අද තරගයේ දී ශ්‍රී ලංකා කණ්ඩායමේ වෙනස්කම් කිහිපයක් සිදුව තිබෙනවා.
ඒ, අනුව ශ්‍රී ලංකා කණ්ඩායමේ වෙනස්කම් හතරක් සිදුකර ඇති බවයි වාර්තා වුණේ.
අද තරගයේ දී යොවුන් ක්‍රීඩක පවන් රත්නායක ජාත්‍යන්තර එක්දින වරම් හිමිකර ගත්තා.
වනිඳු හසරංග, දුෂ්මන්ත චමීර සහ අසිත ප්‍රනාන්දු මෙම තරගයට ක්‍රීඩා නොකරන අතර, ඒ වෙනුවට පවන් රත්නායක, එශාන් මාලිංග, මහීෂ් තීක්ෂණ හා ජෙෆ්රි වැන්ඩර්සේ කණ්ඩායමට කැඳවා තිබෙනවා.
මේ අතර නිත්‍ය නායක චරිත් අසලංක උණ රෝගයෙන් පෙළීම හේතුවෙන් අද තරගය මෙහෙයවීමේ වගකීම පැවරී ඇත්තේ කුසල් මෙන්ඩිස්ටයි.
අද තරගයේ දී පාකිස්ථාන කණ්ඩායමේ ද වෙනස්කම් හතරක් සිදුකර ඇති බව නායක ෂහීන් ෂා අෆ්රිඩි සඳහන් කළා.
