අලුත් පාස්පෝට් ගන්න දිගු පෝලිම්

විදේශ ගමන් බලපත්‍ර සාමාන්‍ය ක්‍රමවේදය යටතේ ලබා ගැනීමට මේ දිනවල (24) විශාල පෝලිම් දැකගැනීමට හැකි ව තිබෙනවා.

තොරතුරු වාර්තා වන පරිදි බත්තරමුල්ල පිහිටි ආගමන හා විගමන දෙපාර්තමේන්තු සංකීර්ණයේ අවට විශාල පෝලිම් මේ සඳහා රැඳී සිටින බවයි දිස්වන්නේ.

පසුගියදා විදේශ ගමන් බලපත්‍රය නවීකරණය වූ අතර එය වෙනස් ආරයකින් ජනතාව වෙත හිමිවනු ඇති.

නව විදේශ ගමන් බලපත්‍රය නිකුත් කෙරුණේ 21 වැනිදායි.

එහි පිටකවරය නිල් පැහැයෙන් වර්ණ ගන්වා තිබෙනවා.

මීට පෙර පැවතියේ එය රතු පැහැයෙන්.

පැරණි විදේශ ගමන් බලපත්‍රය පිටු 64කින් සමන්විත වුව ද නව බලපත්‍රයේ ඇත්තේ පිටු 48ක් පමණයි.

පැරණි ගමන් බලපත්‍රයේ N අක්ෂරයක් පැවති අතර P අක්ෂරය නව විදෙස් ගමන් බලපත්‍රයේ තිබෙනවා.

එමෙන්ම ගමන් බලපත්‍රයේ සෑම පිටුවක්ම ශ්‍රී ලාංකේය සභ්‍යත්වය හා සංස්කෘතිය විදහා පාන අයුරින් චිත්‍රණ කර තිබීම ද විශේෂත්වයක්.