පසුගිය වසරේ අලුත් අවුරුදු සමයට සාපේක්ෂව මෙම වසරේ අලුත් අවුරුදු සමය තුළ සිදු වූ මාරක රිය අනතුරුවල කැපී පෙනෙන ඉහළ යාමක් පෙන්නුම් කරන බව නියෝජ්ය පොලිස්පති ඩබ්ලිව්.පී.ජේ. සේනාධීර පවසනවා.
ඒ, අනුව පසුගිය වසරට සාපේක්ෂව මෙම වසරේ අලුත් අවුරුදු සමයේ මාරක රිය අනතුරු 18ක ඉහළ යාමක් පෙන්නුම් කරන බවයි නියෝජ්ය පොලිස්පතිවරයා සඳහන් කළේ.
මෙම වසරේ අප්රේල් 10 වනදා සිට 19 වනදා දක්වා වූ අලුත් අවුරුදු සමය තුළ මාරක රිය අනතුරු 88ක් සිදුව ඇති අතර, ඉන් මියගොස් ඇති පුද්ගලයින් සංඛ්යාව 92ක්.
එමෙන්ම පසුගිය 2025 වසරේ අප්රේල් 10 වනදා සිට 19 වනදා දක්වා කාලය තුළ මාරක රිය අනතුරු 70ක් සිදුව පුද්ගලයින් 72 දෙනෙක් මියගොස් තිබෙනවා.
ඒ අනුව මෙම මාරක රිය අනතුරුවලින් පසුගිය වසරට සාපේක්ෂ මියගිය සංඛ්යාව ද 20කින් මෙම වසර තුළ ඉහළ ගොස් ඇති බවයි අද (20) පෙරවරුවේ මාධ්ය හමුවක් කැඳවමින් නියෝජ්ය පොලිස්පතිවරයා පැවසුවේ.
මේ අතර පසුගිය 12 වනදා සිට 18 වනදා දක්වා කාලය තුළ දී බීමතින් රිය පැදවූ පුද්ගලයින් 4,225 දෙනෙකුට එරෙහිව නඩු පැවරීමට කටයුතු කර ඇති බවයි ඔහු මෙහිදී පැවසුවේ.
