එළඹෙන අලුත් අවුරුදුවන විට බී ලූනු කිලෝවක සිල්ලර මිල රුපියල් 375ත් 400ත් අතර මුදලකට ලබාදීමට කටයුතු කරන බව වෙළඳ අමාත්ය නලීන් ප්රනාන්දු පවසනවා.
අද (24) දහවල් පැවති මාධ්ය හමුවකට එක්වෙමින් අමාත්යවරයා මේ බව සඳහන් කළා.
මේ අතර බී ලූනු මෙරට නිෂ්පාදනය කිරීම සම්බන්ධයෙන් කෘෂිකාර්ම අමාත්යවරයා සමඟ කැබිනට් මණ්ඩලය තුළ සකච්ඡා කළ බව ද වෙළඳ අමාත්යවරයා මෙහිදී පැවසුවා.
කෙසේ වෙතත් ඒ සම්බන්ධයෙන් ගැටළු රාශියක් පවතින බව ද ඔහු වැඩිදුරටත් අදහස් දක්වමින් පැවසුවා.
මේ අතර ඉන්දියාව බී ලූනු අපනයනය සඳහා වූ තහනම දින නියමයක් නොමැතිව දීර්ඝ කර තිබෙනවා.
එරට මහ මැතිවරණයකට පෙර ගනු ලැබූ මෙම පියවර විදේශීය වෙළෙඳපොළ රැසක මිල ගණන් ඉහළ නංවනු ඇතැයි වෙළෙඳපොළ විශ්ලේෂකයින් පෙන්වා දෙනවා.
මෙලෙස ඉන්දීය අපනයන තහනමේ බලපෑමෙන් උත්සව සමයේ දී බී ලූනු මිල තවදුරටත් ඉහළ යෑමේ අවදානමක් පවතින බව ආනයනකරුවන් පෙන්වා දෙනවා.
